आर्या यादवला ‘कॉमनवेल्थ’मध्ये रौप्यपदक

सोलापूर : आंतरराष्ट्रीय कराटे कॉमनवेल्थमध्ये आर्या यादवने सिल्व्हर मेडल मिळविले आहे. 11 वी कॉमनवेल्थ कराटे चॅम्पियनशिप दक्षिण आफ्रिकेच्या दर्बन येथे 26 नोव्हेंबरपासून सुरू आहे. या आंतरराष्ट्रीय कॉमनवेल्थ स्पर्धेमध्ये 39 देशांचा समावेश आहे. यात भारताकडून 53 किलो वजनापर्यंत असलेल्या स्पर्धकांमध्ये सोलापूरची कन्या आर्या साईनाथ यादव हिने सिल्व्हर मेडल पटकावले आहे. ही भारतीयांसाठी, महाराष्ट्रासाठी विशेषतः सोलापूरकरांसाठी अभिमानाची बाब आहे.

यासाठी गेली सहा महिने तिला या आंतरराष्ट्रीय कॉमनवेल्थमध्ये प्रवेश मिळावा म्हणून सर्वांनीच मेहनत घेतली. विशेषता तिच्या आई व वडिलांनी प्रचंड मेहनत घेतली. त्याचीच फलश्रुती म्हणून हे यश तिला मिळाले. जिल्हाधिकारी कुमार आशीर्वाद, अक्कलकोट अन्नछत्र, चेतन नरोटे, विनोद भोसले, दत्ता सुरवसे यांनी विशेष सहकार्य केले. आर्याने प्रचंड इच्छाशक्ती व मेहनतीने, जिद्दीने हे यश मिळवले आहे.