भाजप नेते नितेश राणेंच्या गाडीला अपघात, उर्से टोल नाक्यावर मागून ट्रकने दिली धडक, सर्व सुखरूप

पिंपरी: पुणे- मुंबई द्रुतगती मार्गावर होणाऱ्या अपघातांमध्ये वाढ होत असून असून आज सायंकाळच्या सुमारास भाजपचे नेते, आमदार नितेश राणे (MLA Nitesh Rane) यांच्या गाडीला अपघात झाल्याची घटना समोर आली आहे. महामार्गावरील उर्से टोलनाका येथे हा अपघात घडला आहे. मात्र, हा अपघात किरकोळ असल्याने यात कोणालाही ईजा झालेली नाही. (bjp leader nitesh rane’s car met with an accident at urse toll booth)

नितेश राणे यांच्या पत्नी मुलं, आणि नातेवाईक या गाडीतून प्रवास करत होते. नितेश राणे यांच्या पत्नी सायंकाळच्या सुमारास पुण्याच्या दिशेने येत होत्या. उर्से टोलनाका येथे गाडी टोल भरण्यासाठी रांगेत थांबली होती. तेव्हा पाठीमागून आलेल्या ट्रकने राणे कुटुंबीयांच्या गाडीला धडक दिली. अपघात किरकोळ असल्याने कुणालाही कोणतीही हानी झालेली नाही.
राणे कुटुंबीय पुण्याच्या दिशेने प्रवास करत असताना हा प्रकार घडला आहे. ज्यावेळी अपघात घडला त्यावेळी नितेश राणे हे गाडीमध्ये नव्हते. गाडी पाठीमागून ठोकल्याने गाडीच्या मागच्या बाजूचा इंडिकेटर फुटला असून गाडीला थोडा डॅश गेला आहे. मात्र या अपघात कोणीही जखमी झाले नसून सर्वजण सुखरूप असल्याचे त्यांच्या निकटवर्तीयांकडून सांगण्यात आले आहे.
घटनेची माहिती मिळताच पिंपरी चिंचवड पोलीस घटनास्थळी दाखल झाले. त्यांनी संबंधित ट्रक चालकाला ताब्यात घेतले आहे. गाडी धडकल्याचे कारण नेमके ट्रकचे ब्रेक फेल झाले होते की अजून काही हे अद्याप समजू शकले नाही. ट्रकचा ब्रेक दाबताना गाडी पाठीमागून जाऊन जोरात धडकली असा अंदाज पोलिसांकडून व्यक्त केला जात आहे.

Leave a Comment

Your email address will not be published.