ही 8 लक्षणं दिसत असतील तर समजून जा किडनी आहे धोक्यात

शरीरातील घाण काढून टाकण्यासारखी अत्यंत महत्त्वाची कामे किडनी (kidney) करते. एखाद्या सैनिकाप्रमाणे काम करणारा हा अवयव दिवसातून जवळजवळ 40 वेळा तुमचे रक्त फिल्टर करण्याचे काम करतो आणि त्यातील कचरा किंवा घाण लघवीद्वारे बाहेर काढतो. याशिवाय किडनी शरीरातील खनिज संतुलनाचे नियमन करण्यासाठी आणि लाल रक्तपेशींचे (red blood cells) उत्पादन वाढवणारे हार्मोन्स तयार करण्याचे काम करते. किडनी तुमच्या शरीराला अनेक आजारांपासून वाचवते पण काही कारणांमुळे कधी कधी तिच स्वत: आजारांनी घेरली जाते.

अनहेल्दी किडनी हे अनेक प्रकारच्या धोक्यांचे संकेत असू शकते, ज्याची वेळेवर चाचणी करून धोका टाळता येऊ शकतो व अनेक गंभीर आजारांपासून सुटका मिळवता येते. किडनीच्या आजाराची चार अवस्थांमध्ये विभागणी केली जाते. यामध्ये किडनी स्टोन, किडनीला तीव्र इजा, क्रॉनिक किडनी डिसीज आणि एंड स्टेज रेनल डिसीज (ESRD) यांचा समावेश होतो. अनेक बाबतीत ते प्राणघातकही ठरते. त्यामुळे त्याची लक्षणे वेळेवर ओळखणे किंवा माहीत असणे महत्त्वाचे आहे.

दिवसभर थकवा वाटणं

NHS एनएचएसच्या म्हणण्यानुसार, जर तुम्हाला अलिकडच्या काळात जास्त थकवा जाणवत असेल तर ते तुमच्या शरीरात किडनी नीट काम करत नसल्यामुळे टॉक्सिन्स किंवा विषारी घटक जमा झाल्याचे लक्षण आहे. विषारी घटक आपल्या शरीराच्या इतर जैविक कार्यांवर परिणाम करण्यासाठी कार्य करतात आणि इतर अनेक गुंतागुंती निर्माण करू शकतात.

 

अपुरी झोप

झोप न लागणं अनेक आरोग्याच्या समस्यांशी निगडीत असतानाच किडनीचा आजार हे देखील यामागील एक प्रमुख कारण असू शकते. स्लीप एपनिया किंवा चांगली झोप न येणे हे किडनीच्या आजारांशी निगडीत आहे. अशा परिस्थितीत जर तुम्हाला सतत चांगली झोप येत नसेल तर लगेच डॉक्टरांशी संपर्क साधावा.

 

कोरडी, खाज सुटणारी व पोपडेवाली स्किन

कोरडी, पोपडेवाली आणि खाज सुटणारी त्वचा कोणत्याही कारणाशिवाय दीर्घकाळ राहिल्यास आपल्या डॉक्टरांना त्वरित भेटा आणि आपल्या किडनीची तपासणी करा. विषारी पदार्थांची साठवण शरीरातील खनिजे आणि इतर पोषक घटकांचे प्रमाण बिघडवते ज्यामुळे नंतर त्वचा आणि हाडांचे नुकसान होते.

 

पायांना सूज

अनहेल्दी किडनी शरीरातील विषारी पदार्थ पूर्णपणे काढून टाकण्यास असमर्थ असते. परिणामी हे विषारी घटक शरीरात जमा होऊ लागतात. त्याचप्रमाणे, जेव्हा शरीरातून सोडियमची अतिरिक्त मात्रा निघून जात नाही तेव्हा ते पाय, घोटे आणि तळवे यांच्यामध्ये जमा होते, ज्यामुळे या अवयवांना सूज येते. पाय सुजण्याची इतरही अनेक कारणे असू शकतात, परंतु सूज दीर्घकाळ राहिल्यास डॉक्टरांचा सल्ला घेणे योग्य ठरते.

 

सुजलेले डोळे

जर तुम्हाला डोळ्यांभोवती फुगीरपणा किंवा सूज दिसली तर किडनीची तपासणी अवश्य करा. किडनी निकामी झाल्यामुळे मूत्रमार्गातून प्रथिने बाहेर पडतात तेव्हा असे घडते.

 

स्नायूंमध्ये वेदना

जेव्हा किडनी पूर्णपणे काम करून शकत नाहीत तेव्हा शरीरात विषारी पदार्थांचा मोठा स्तर आणि अनावश्यक खनिजांची पातळी तयार होते ज्यामुळे स्नांयूमध्ये वेदना होऊ शकतात. अशा स्थितीत स्नायू दुखणे हलक्यात घेऊ नये, कारण ते अनेक अंतर्गत आजारांचे लक्षण असू शकते.

 

श्वास घेण्यास त्रास होणे

जेव्हा किडनीत समस्या असते तेव्हा रुग्णाला नीट श्वास घेता येत नाही जे एरिथ्रोपोएटिन नावाच्या हार्मोनच्या कमतरतेमुळे असू शकते. WebMD च्या मते, एरिथ्रोपोएटिन हार्मोन्स तुमच्या शरीराला लाल रक्तपेशी बनवण्याचा संकेत देतात. त्याशिवाय, तुम्हाला अशक्तपणा होऊ शकतो आणि श्वास घेण्यास त्रास होऊ शकतो.

 

भरपूर वेळा लघवीला होणं

बरेच लोक लघवीच्या वारंवारतेतील बदलाच्या आधारावर किडनीच्या आजाराचा अंदाज लावतात. जर तुमचं लघवीला जाण्याची प्रमाण गेल्या काही दिवसांमध्ये वाढलं किंवा कमी झालं असेल तर उशीर करू नका आणि डॉक्टरांचा सल्ला घ्या.

 

या सवयींमुळे किडनी राहिल हेल्दी

कोणताही आजार लवकरात लवकर शोधण्याचा उत्तम मार्ग म्हणजे नियमित आरोग्य तपासणी करणे होय. जोपर्यंत किडनी रोगाचा संबंध आहे UK नॅशनल हेल्थ सर्व्हिस (NHS) मधुमेह किंवा उच्च रक्तदाब यांसारख्या अंतर्निहित परिस्थिती कंट्रोल करण्याचा सल्ला देते, ज्यामुळे दीर्घकालीन किडनीचा आजार होऊ शकतो. याव्यतिरिक्त, एखाद्याने जीवनशैलीत आवश्यक बदल करणे आवश्यक आहे. निरोगी जीवनशैलीचा अवलंब करावा, धूम्रपान थांबवावे, मद्यपानावर नियंत्रण ठेवावे, नियमित व्यायाम करावा आणि वेदनाशामक औषधे वारंवार घेऊ नयेत. यामध्ये तुमच्या जोखीम घटकांवर परिणाम करण्याची क्षमता असते.

 

टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांशी संपर्क साधावा.

 

Leave a Comment

Your email address will not be published.