कंगना रणौतच्या एमर्जन्सीला सेन्सॉर बोर्डाची मंजुरी:लवकरच तारीख जाहीर होऊ शकते, वादात अडकला होता चित्रपट

कंगना रणौतच्या ‘एमर्जन्सी’ या चित्रपटाला सेन्सॉर बोर्डाकडून ग्रीन सिग्नल मिळाला आहे. हा चित्रपट आता प्रदर्शनासाठी सज्ज झाला आहे. लवकरच कंगना रणौत रिलीज डेट अधिकृत करेल. या चित्रपटाबाबत शीख संघटनांनी आक्षेप घेतला होता, त्यामुळे सीबीएफसीने प्रमाणपत्र रोखून धरले होते. या प्रकरणावर कंगनाने संतापही व्यक्त केला होता. या चित्रपटातील अनेक दृश्यांवर सीबीएफसीने आक्षेप घेतला होता. सीबीएफसीने या चित्रपटातील 3 दृश्ये हटवण्याच्या सूचना दिल्या होत्या. चित्रपट प्रदर्शित करण्यापूर्वी त्यात 10 बदल करावेत, अशा सक्त सूचनाही देण्यात आल्या होत्या. कंगना दिव्य मराठीच्या मुलाखतीत म्हणाल्या होत्या – शेतकरी आंदोलनात बलात्कार आणि हत्या झाल्या भाजप खासदार आणि अभिनेत्री कंगना रणौत यांनी दिव्य मराठीला दिलेल्या मुलाखतीत पंजाबमध्ये शेतकरी आंदोलनाच्या नावाखाली बदमाश लोक हिंसाचार पसरवत असल्याचे सांगितले होते. तिथे बलात्कार आणि हत्या होत होत्या. किसान विधेयक मागे घेतले गेले, अन्यथा या बदमाशांचे खूप मोठे नियोजन होते. ते देशात काहीही करू शकतात. यानंतर पंजाबमध्ये त्यांच्याविरोधात संताप पसरला.