राज्यात विविध शहरात पेट्रोल पंपावर रांगा, कोल्हापूरमध्ये संप मागे, पुण्यात पेट्रोल पंप सुरु राहणार

Tanker Driver Strike : छत्रपती संभाजीनगर, अहमदनगरमधील कोपरगाव आणि जालना शहरातील पेट्रोल पंपावर वाहनधारकांच्या रांगा दिसून आल्या. पुण्यातील पेट्रोलपंप सुरु राहतील, असं सांगण्यात आलं आहे.

Jan 2, 2024 - 04:05
 0
राज्यात विविध शहरात पेट्रोल पंपावर रांगा, कोल्हापूरमध्ये संप मागे, पुण्यात पेट्रोल पंप सुरु राहणार
अहमदनगर/मुंबई : केंद्र सरकारच्या नव्या वाहन कायद्याला विरोध म्हणून देशभरातील वाहनचालकांनी तीन दिवसांसाठी संप पुकारलेला आहे. आज दुपारी नवी मुंबईत ट्रक चालक आक्रमक झाल्याचं पाहायला मिळालं होतं. राज्यातील आणखी काही शहरांमध्ये देखील वाहनचालक आक्रमक झाले होते. या संपामुळं पेट्रोल आणि डिझेलच्या पुरव परिणाम झाल्यानं छत्रपती संभाजीनगर शहरातील काही पेट्रोल पंपावर मोठ्या रांगा लागल्याचं चित्र पाहायला मिळालं. कोपरगावमध्ये देखील पेट्रोल पंपावर वाहनधारकांची गर्दी दिसून आली. मात्र, ऑल इंडिया पेट्रोल डीलर्स असोसिएशनचे प्रवक्ते अली दारुवाला यांनी सर्व पेट्रोल पंप सुरु राहतील असं सांगितलं आहे. पुणे आणि पिंपरी चिंचवडमधील पेट्रोल पंप सुरु राहणार आहेत, असं ते म्हणाले.

छत्रपती संभाजीनगरमध्ये पेट्रोल पंपावर रांगा

छत्रपती संभाजीनगरमधील क्रांती चौक भागातील पेट्रोल पंपावर वाहनांच्या मोठ्या प्रमाणावर रांगा लागल्या होत्या. तर, काही पंप बंद दिसून आले. दीड ते दोन तास थांबल्यानंतर ग्राहकांना पेट्रोल मिळाले. सरकारनं या समस्येवर तोडगा काढावा अशी मागणी ग्राहकांनी केली.

अहमदनगरच्या कोपरगावमध्ये पेट्रोल पंपावर गर्दी

केंद्र शासनाच्या वतीने वाहन चालकांच्या संदर्भात हिट अँड रनच्या नवीन धोरणाच्या निषेधार्थ देशभरातील वाहन चालकांनी तीन दिवसीय संप पुकारलेला आहे. या संपामध्ये पेट्रोल डिझेलची वाहतूक करणारे चालक देखील सहभागी असल्याने पुढील दोन ते तीन दिवस पेट्रोल डिझेलचा तुटवडा जाणवेल या भीतीनं कोपरगाव शहरातील अनेक पेट्रोल पंपावर अचानक वाहनधारकांनी गर्दी केल्याने अनेक पेट्रोल पंपावरचा डिझेल आणि पेट्रोलचा पुरवठा संपलेला आहे. तर, काही ठिकाणी शिल्लक असलेल्या पेट्रोल मिळावा यासाठी वाहनधारकांनी एकच गर्दी केलेली आहे. कोपरगावात पेट्रोल पंपावर पोलीस दाखल झाले आहेत.

जालन्यातील स्थिती कशी आहे?

पेट्रोल डिझेल कंपनीच्या टँकर चालकांच्या संपाच्या पार्श्वभूमीवर जालन्यात पंपांवर इंधन भरण्यासाठी वाहन चालकांनी एकच गर्दी केल्याचे दिसून आले. नवीन मोटार वाहन कायद्याला विरोध करण्यासाठी पेट्रोल डिझेल कंपनीचे ट्रकचालक यांनी संपाचे हत्यार उपासले आहे. बीपीसीएल, एचपीसीएल आणि इंडियन ऑइल या तिन्ही कंपन्यांचे पेट्रोल-डिझेल पुरवठा करणाऱ्या टँकरचालकांनी संपाची हाक दिली असून १ ते ३ जानेवारी दरम्यान टँकरचालक संपावर जाणार आहेत. त्यामुळे पंप बंद राहण्याच्या भीतीपोटी वाहनधारक पेट्रोल-डिझेल भरण्यासाठी पंपांवर रांगा लावत असल्याचे जालन्यात पाहायला मिळत आहे.

पुणे, पिंपरी चिंचवडमधील पेट्रोल पंप सुरु राहणार

जिल्ह्यातील सर्व पेट्रोल पंप खुले राहतील, असे ऑल इंडिया पेट्रोल डीलर्स असोसिएशनने स्पष्ट केले आहे. संपूर्ण भारतातील वाहतूकदारांच्या संपाचा पेट्रोल आणि डिझेलच्या पुरवठ्यावर परिणाम होणार नाही. कारण जिल्हा प्रशासनाने लोणी डेपो पेट्रोलियम पदार्थांच्या रिफिलिंगसाठी पेट्रोलियम टँकरना पोलीस संरक्षण दिले आहे. पुणे आणि पिंपरी चिंचवडमध्ये सर्व पेट्रोल पंप सुरू राहणार आहेत, असं अली दारुवाला म्हणाले. दरम्यान, रत्नागिरी, सांगली आणि कोल्हापूरमध्ये काही असून अद्याप पेट्रोलचा तुटवडा निर्माण झालेला नाही. राज्य सरकारनं सर्व जिल्हाधिकाऱ्यांना नागरिकांची गैरसोय होऊ नये म्हणून उपाययोजना करण्याच्या सूचना दिल्या आहेत.Read Latest And

What's Your Reaction?

like

dislike

love

funny

angry

sad

wow