बापाची भेट शेवटचीच ठरली! लेकीला भेटून वडिलांनी निरोप घेतला पण वाटेतच काळाने गाठले
Buldhana Accident News: प्रवासाकरता निघाल्यानंतर तो प्रवास आपला अंतिम ठरेल याची जराही कल्पना नव्हती. मुलीची भेट देखील शेवटची ठरली. नेमकं काय घडलं बुलढाण्यातील वरवट बकालच्या घटनेमध्ये
बुलढाणाः मुलीला शिक्षणासाठी बुलढाणा येथे सोडून गावी वरवट खंडेराव येथे जाण्यासाठी गावाच्या फातुर्डा फाट्यावरून ऑटो किंवा खाजगी वाहन न मिळाल्याने पायी निघालेल्या पित्यासह दोघांना मागून आलेल्या दुचाकीने उडविले. या अपघातात एकाचा मृत्यू झाला आहे. तर दुसरा गंभीर जखमी झाल्याची घटना सोमवारी रात्री आठ वाजता वरवट खंडेराव रस्त्यावर घडली. ()तालुक्यातील वरवट खंडेराव येथील कृषी मित्र सुरेश ढंबाळे वय वर्ष ४५ हे मुलीला बुलढाणा येथे शिक्षणासाठी सोडून गावाकडे परतत होते. पातुर्डा फाट्यावर बस मधून उतरले. गावात जाण्यासाठी वाहन नसल्याने गावातील रतन भगत सोबती असल्याने वरवट खंडेराव गावाकडे पायी निघाले यावेळी अकोला जिल्ह्यातील मोखा येथील ज्ञानेश्वर भिकाजी कुरवाडे यांच्या भरधाव दुचाकी क्रमांक mh ३० एके 3294 ने दोघांना उडविले.वाचाः दुचाकीची जबर धडक लागल्याने सुरेश धबाळे वीस फूट शेतात फेकले गेले. त्यात त्यांच्या घटनास्थळीच मृत्यू झाला. दुचाकी चालक कुरवाडे जखमी झाला आहे. तर रतन भगत यांचा पाय फ्रॅक्चर होऊन जखमी झाले आहेत. तिघांना ग्रामस्थांच्या सहकार्याने खाजगी वाहनाने शेगाव येथील सईबाई मोटे उपजिल्हा रुग्णालयात दाखल केले. डॉक्टरांनी ढबाळे यांना मृत घोषित केले तर दुचाकी चालक ज्ञानेश्वर कुरवाडे यास अकोला येथे उपचार करता रुग्णालयात पाठविण्यात आले. तेथे त्यांच्यावर उपचार सुरू आहेत. या घटनेमुळे परिसरात हळहळ व्यक्त केल्या जात आहे.कृषी मित्र ढबाळे अपघाती मृत्यू झाल्याने कुटुंबाला मोठा धक्का बसला आहे. त्यांच्या पश्चात पत्नी, एक मुलगा, एक मुलगी, दोन मोठे भाऊ असा बराच मोठा आप्तपरिवार आहे.
