नोकरीच्या त्रासाला कंटाळला, अकाउंटंटने गिळले ५६ ब्लेड, रक्ताच्या उलट्या; रुग्णालयात डॉक्टरही हैराण
An accountant swallowed 56 blades : राजस्थानातील जालोर जिल्ह्यातील सांचोर परिसरा नोकरीचा कंटाळा आल्याने मालकावर रागावून अकाउंटंटने ५६ ब्लेड गिळल्याची धक्कादायक घटना घडली आहे.
जालोर : राजस्थानच्या जालोर जिल्ह्यात एका तरुणाने केलेल्या कृत्याने धक्का बसल्याशिवाय राहणार नाही. हा तरुण एका सेठकडे कामाला होता. यादरम्यान या तरुणाने रागाच्या भरात ५६ ब्लेड गिळले. कागदाच्या आवरणासह ब्लेड खाताना त्याला सुरुवातीला काहीही त्रास जाणवला नाही. मात्र, तरी कागद निघाल्यानंतर त्याला त्रासाला सामोरे जावे लागले. वेदना वाढल्यानंतर त्याला रक्ताच्या उलट्या झाल्या. यानंतर त्याला तातडीने सांचोर येथील मेडिपल्स रुग्णालयात दाखल करण्यात आले.मेडीपल्स हॉस्पिटलचे डॉ. नरसीराम यांनी सांगितले की, सांचोरजवळील एका गावातील हा २६ वर्षीय तरुण आहे. त्याला रक्ताच्या उलट्या होऊ लागल्याने त्यांना रुग्णालयात दाखल करण्यात आले. डॉक्टरांनी त्याचा एक्स-रे काढल्यानंतर त्याच्या शरीरात कापलेले ब्लेड दिसले. यानंतर डॉक्टरांच्या टीमने शस्त्रक्रिया करण्याचा निर्णय घेतला. रविवारी सुमारे ३ तास ही शस्त्रक्रिया चालली. या ऑपरेशन दरम्यान डॉक्टरांच्या पथकाने तरुणाच्या पोटातून ५६ ब्लेड काढले आहेत. सर्व ब्लेड दोन-दोन तुकड्यांमध्ये सापडले आहेत.
शस्त्रक्रियेनंतर आता तरुणाची प्रकृती ठीक आहे. त्याच्या शरीराला आतून दुखापत झालेली आहे.नरसीराम यांनी माहिती देताना सांगितले की, हा तरुण सांचोरजवळील गावातील आहे. तो शिकलेला असून एका बड्या उद्योजगाचा अकाउंटंट म्हणून काम करतो. शुक्रवारी त्याने कव्हरसह ब्लेड खाल्ले होते. एक ब्लेड दोन भागांमध्ये तोडून खाल्लं होतं, त्यामुळे खातेवेळी त्याला वेदना झाल्या नाहीत. परंतु पोटात कागद वितळल्यानंतर ब्लेडने आतमध्ये शरीराला इजा होऊ लागली. त्यामुळे त्यांच्या शरीरात गॅस तयार होऊन त्यांना रक्ताच्या उलट्या होऊ लागल्या. हे पाहून नातेवाईकांनी तरुणाला रुग्णालयात आणले. त्यांच्यावर शस्त्रक्रिया करून ५६ ब्लेड बाहेर काढण्यात आले. सध्या त्यांची प्रकृती ठीक आहे. त्याने हे ब्लेड का खाल्ले याबाबत तरुणाने अद्याप खुलासा केलेला नाही. त्याच्यावर उपचार सुरू आहेत. तरुण डॉक्टरांच्या देखरेखीखाली आहे.
