इराणचे परराष्ट्र मंत्री अब्बास अरागची शुक्रवारी म्हणाले, होर्मुझ वाहतुकीसाठी खुले केले आहे. त्यानंतर कच्च्या तेलाचे दर ११% नी घसरून ८८ डॉलर प्रति बॅरल झाले. अमेरिकेचे राष्ट्राध्यक्ष डोनाल्ड ट्रम्प यांनी याबद्दल ‘धन्यवाद इराण’ अशी पोस्ट केली. ते म्हणाले करार होईपर्यंत होर्मुझमध्ये अमेरिकेची नाकाबंदी राहील. ट्रम्प इराणची २ लाख कोटींची मालमत्ता मोकळी करतील. इराणने आखाती ५ देशांकडून भरपाई म्हणून मागितलेल्या २४ लाख कोटी रुपयांवर चर्चा सुरू आहे. याला २२ एप्रिल रोजी अंतिम स्वरूप दिले जाऊ शकते. पाकमध्ये २२ पूर्वी करार शक्य, ट्रम्प जाऊ शकतात इस्लामाबादच्या उच्च सुरक्षित रेड झोनमध्ये व्हीआयपी दौऱ्याची तयारी सुरू आहे. अमेरिका व इराणमध्ये बैठकांचे सत्र सुरू आहे. पाकिस्तानात २२ एप्रिलपूर्वी करार शक्य आहे. ट्रम्पही जाऊ शकतात. पाक पंतप्रधान शाहबाज शरीफ तुर्कीत युद्ध भरपाईवर आखाती देशांशी चर्चा करत आहेत. पाक लष्करप्रमुख असीम मुनीर यांनी शुक्रवारी तेहरानमधील आयआरजीसीच्या मुख्यालयात सर्वोच्च कमांडर व इराणी संसदेचे अध्यक्ष मोहम्मद गालिबाफ यांच्यासोबत बैठक घेतली. बैठकीत इराण आपले ४६० किलो युरेनियम अमेरिकेला सोपवण्यास तयार आहे. पुढील ५ वर्षे युरेनियमचे संवर्धन न करण्यासही इराण राजी झाला आहे. ट्रम्प यांनी याचे संकेत दिले आहेत. लेबनॉनमध्ये युद्धबंदी, १० लाख लोक परतले... इस्रायलने केलेल्या युद्धबंदीनंतर लेबनॉनमध्ये १० लाख विस्थापित घरी परतू लागले आहेत. २८ फेब्रुवारीपासून सुरू इस्रायली हल्ल्यात लेबनॉनमध्ये २१०० लोक मारले गेले. भारताने युद्धबंदीचे स्वागत केले आहे.