लोकप्रिय आसामी गायक झुबीन गर्ग यांच्या मृत्यूनंतर बारा दिवसांनी मोठी कारवाई करण्यात आली आहे. बुधवारी सकाळी दिल्लीत झुबीनचा व्यवस्थापक सिद्धार्थ शर्मा आणि नॉर्थ ईस्ट फेस्टिव्हलचे आयोजक श्यामकानू महंत यांना पोलिसांनी अटक केली. सिंगापूरहून परतल्यानंतर महंताला दिल्ली विमानतळावर इमिग्रेशनने थांबवले आणि आसाम पोलिसांच्या स्वाधीन केले, तर शर्माला दिल्ली-हरियाणा सीमेवर अटक केली. दोघांनाही गुवाहाटीला आणण्यात आले आणि कामरूप सीजेएम न्यायालयात हजर केले. न्यायालये दुर्गापूजेच्या सुट्टीवर होती, त्यामुळे न्यायाधीशांच्या निवासस्थानी सुनावणी झाली. न्यायालयाने दोघांनाही १४ दिवसांची पोलिस कोठडी सुनावली. पोलिसांनी दोघांवरही सदोष खून, गुन्हेगारी कट व मृत्यू घडवून आणण्याचे आरोप लावले. एआयटी प्रमुख मुन्ना प्रसाद गुप्ता म्हणाले तपास कायद्यानुसार केला जाईल. एसआयटीने सिद्धार्थ अन् श्यामकानूकडून झुबीनचा जप्त केला मोबाइल मॅनेजर सिद्धार्थ आणि आयोजक श्यामकानूच्या अटकेदरम्यान पोलिसांनी झुबीनचा मोबाईल फोन जप्त केला. एसआयटी प्रमुख मुन्ना प्रसाद गुप्ता यांनी सांगितले की, घटनेनंतर गायब झालेला फोन आरोपींकडून जप्त केला आहे. झुबीन मृत्यूपूर्वी कोणाच्या संपर्कात होता आणि काय संभाषण झाला हे शोधण्यासाठी हा फोन डिजिटल फॉरेन्सिक तपासणीसाठी पाठवण्यात आला आहे. सत्य बाहेर येईल अशी आशा पत्नी - गायक झुबीन गर्ग यांच्या मृत्युप्रकरणी अटक झाल्यानंतर कुटुंबाने दिलासा व्यक्त केला आहे. जोरहाटमधील १३ व्या दिवसाच्या विधीला उपस्थित राहिलेल्या पत्नी गरिमा सैकिया गर्ग म्हणाल्या, “दोन्ही आरोपींना आसाममध्ये आणण्यात आल्याने आम्हाला समाधान आहे. त्यांच्या शेवटच्या क्षणी काय घडले हे आम्हाला जाणून घ्यायचे आहे. मला तपास पथकावर विश्वास आहे की सत्य आता बाहेर येईल आणि आम्हाला उत्तरे मिळतील.” व्यवस्थेवर विश्वास ठेवा बहीण पाल्मे - झुबीन यांची बहीण पाल्मे बोरठाकुर म्हणाल्या, “अटकेनंतर काही प्रमाणात दिलासा मिळाला आहे. आम्ही तपासात पूर्ण सहकार्य करत आहोत आणि न्याय नक्कीच मिळेल.