बॉलिवूड सुपरस्टार सलमान खानने त्याच्या आगामी 'बॅटल ऑफ गलवान' या वॉर चित्रपटाच्या टीझरमध्ये दाखवलेल्या लूकवर सुरू असलेल्या ट्रोलिंगवर उघडपणे प्रतिक्रिया दिली आहे. सोशल मीडियावर काही युजर्सनी सलमानच्या एका क्षणाच्या दृश्याला “रोमँटिक ग्लांस” असे संबोधून टीका केली होती, परंतु सलमानने ती मस्करीमध्ये उडवून लावली आणि स्पष्टीकरण दिले की हा भाव कोणत्याही रोमान्सचा नसून एका कर्नलच्या गंभीर विचारांचा आहे. सलमानने नुकत्याच झालेल्या इंडियन स्ट्रीट प्रीमियर लीग (ISPL) सामन्यादरम्यान टीझरमधील तो सीन रिक्रिएट केला आणि म्हणाला की, “आता कोणाला हा रोमँटिक लूक वाटतो, पण मी चित्रपटात कर्नल आहे भैया, हा एका कर्नलचा लूक आहे जो टीम आणि जवानांना प्रोत्साहन देतो.” त्यांनी मस्करीत असेही म्हटले की, त्यांना हवे असल्यास ते तोच लूक पुन्हा देऊ शकतात, पण याचा कोणताही “रोमँटिक अर्थ” नाही आणि ही नाराजी किंवा टीका त्यांना प्रभावित करत नाही. सलमान खानच्या 'बॅटल ऑफ गलवान' या वॉर चित्रपटाचा टीझर त्याच्या वाढदिवसानिमित्त 27 डिसेंबर रोजी लॉन्च झाला होता. चित्रपटाचे पहिले गाणे 'मातृभूमी' 24 जानेवारी रोजीच लॉन्च झाले आहे. 'बॅटल ऑफ गलवान' हा चित्रपट 2020 च्या गलवान खोऱ्यातील संघर्षावर आधारित आहे आणि यात सलमान खानची एक गंभीर, प्रेरणादायी भूमिका पाहायला मिळेल. अपूर्व लाखिया दिग्दर्शित या चित्रपटात सलमान खानच्या विरुद्ध अभिनेत्री चित्रांगदा सिंग दिसणार आहे. तसेच, चित्रपटात अनेक नवीन चेहरेही दिसतील. चित्रपटात सलमान कर्नल बी. संतोष बाबू यांच्या भूमिकेत दिसणार आहे. हा चित्रपट 17 एप्रिल 2026 रोजी चित्रपटगृहांमध्ये प्रदर्शित होणार आहे.