डबल ऑलिम्पिक पदक विजेती पीव्ही सिंधू आणि माजी वर्ल्ड नंबर-1 किदांबी श्रीकांत यांनी इंडोनेशिया मास्टर्स बॅडमिंटन स्पर्धेत बुधवारी आपआपले सामने जिंकून दुसऱ्या फेरीत स्थान मिळवले. महिला एकेरीत पाचव्या मानांकित पीव्ही सिंधूने जपानच्या मनामी सुइजुला अटीतटीच्या लढतीत 22-20, 21-18 असे हरवले. हा सामना 53 मिनिटे चालला, ज्यात सिंधूने महत्वाच्या क्षणी संयम दाखवत विजय निश्चित केला. श्रीकांतने 22व्या क्रमांकाच्या खेळाडूला हरवले पुरुष एकेरीत जागतिक क्रमवारीत 33व्या स्थानावर असलेल्या किदांबी श्रीकांतने जगातील 22व्या क्रमांकाच्या खेळाडू कोकी वतनाबेला 1 तास 12 मिनिटे चाललेल्या रोमांचक सामन्यात 21-15, 21-23, 24-22 असे हरवले. श्रीकांतचा पुढील सामना स्पर्धेतील चौथ्या मानांकित चाउ टिएन चेनशी होईल, चाउने आयर्लंडच्या न्हात गुयेनला 21-14, 21-15 असे हरवले. किरण जॉर्ज आणि आकर्षी कश्यप पहिल्या फेरीत बाहेर भारतीय खेळाडूंसाठी आजचा दिवस निराशाजनक ठरला. किरण जॉर्ज पुरुष एकेरीच्या पहिल्या फेरीत इंडोनेशियाच्या मोह जकी उबैदिल्लाहकडून 17-21, 14-21 अशा फरकाने पराभूत होऊन बाहेर पडला. महिला एकेरीत आकर्षी कश्यप देखील सुरुवातीच्या फेरीत डेन्मार्कच्या जुली डावाल जेकबसेनकडून 21-8, 20-22, 17-21 अशा फरकाने पराभूत झाली. मिश्र दुहेरीमध्ये भारताची मोहीम पहिल्याच फेरीत संपुष्टात आली. रोहन कपूर आणि रुथविका गड्डे या जोडीला फ्रान्सच्या चौथ्या मानांकित थॉम गिक्वेल आणि डेल्फिन डेलरू यांनी 9-21, 20-22 अशा फरकाने हरवले. तर ध्रुव कपिला आणि तनिष क्रास्टो यांना फ्रान्सच्या ज्युलियन मायो आणि लिया पालेर्मो या जोडीविरुद्ध 23-21, 20-22, 6-21 अशा फरकाने पराभवाला सामोरे जावे लागले.