युक्रेनला भारतात शांतता परिषद भरवायची आहे:झेलेन्स्की म्हणाले- PM मोदींशी चर्चा केली, रशियालाही आमंत्रित करायला तयार

युक्रेनमधील शांततेसाठी दुसरी शांतता परिषद भारतात व्हावी, असे युक्रेनचे राष्ट्राध्यक्ष वोलोडिमिर झेलेन्स्की यांनी म्हटले आहे. झेलेन्स्की यांनी यासाठी पीएम मोदींशीही चर्चा केली आहे. वास्तविक, दुसरी शांतता परिषद ग्लोबल साउथ देशांमध्ये व्हावी, यासाठी युक्रेन प्रयत्नशील आहे. भारतीय पत्रकारांशी बोलताना झेलेन्स्की म्हणाले की, भारताशिवाय सौदी अरेबिया, कतार, तुर्कस्तान आणि स्वित्झर्लंडसोबतही दुसरी शांतता परिषद आयोजित करण्यासाठी चर्चा सुरू आहे. झेलेन्स्की म्हणाले की, शांतता परिषद केवळ त्या देशामध्येच आयोजित केली जाईल ज्या देशाला त्यात रस आहे. यापूर्वी, जूनमध्ये स्वित्झर्लंडमध्ये पहिली युक्रेन शांतता परिषद झाली होती, ज्यामध्ये रशियाने भाग घेतला नव्हता. आता युक्रेन पुन्हा एकदा शांततेसाठी आपल्या अटी ठेवण्यासाठी आणि त्यात रशियाच्या प्रतिनिधींचा समावेश करण्यासाठी शांतता शिखर परिषद घेण्याचा आग्रह धरत आहे. युक्रेन पीस समिटमध्ये भारताने सही केली नाही
युक्रेन युद्ध थांबवण्याचा मार्ग शोधण्यासाठी स्वित्झर्लंडमध्ये दोन दिवसीय (15-16 जून) शांतता परिषद आयोजित करण्यात आली होती. यामध्ये युक्रेनने 160 हून अधिक देशांना निमंत्रण पाठवले होते, मात्र जवळपास 90 देशांनी यात सहभाग घेतला होता. त्यात रशिया, चीन, ब्राझीलसह काही देश सहभागी झाले नाहीत. शिखर परिषदेच्या शेवटच्या दिवशी, एक संयुक्त निवेदन जारी करण्यात आले. ज्यावर 80 हून अधिक देशांनी स्वाक्षरी केली. भारत, सौदी अरेबिया, दक्षिण आफ्रिका, इंडोनेशिया, थायलंड, मेक्सिको आणि यूएई या सात देशांनी तसे केले नाही. विशेष म्हणजे अनेकदा रशियाची बाजू घेणाऱ्या तुर्किये यांनीही त्यावर स्वाक्षरी केली होती. मोदींनी झेलेन्स्की यांना भारत भेटीचे निमंत्रण दिले
रशिया आणि युक्रेनमधील अडीच वर्षांच्या युद्धाच्या पार्श्वभूमीवर पंतप्रधान नरेंद्र मोदी शुक्रवारी युक्रेनमध्ये पोहोचले. येथे राष्ट्राध्यक्ष वोलोडिमिर झेलेन्स्की यांच्यासोबत झालेल्या भेटीत मोदी म्हणाले, “भारत नेहमीच शांततेच्या बाजूने राहिला आहे. मी काही दिवसांपूर्वी रशियाचे राष्ट्राध्यक्ष पुतीन यांना भेटलो. त्यानंतर मी त्यांच्याकडे मीडियासमोर डोळ्यांत डोळे घातले अन् सांगितले की, ही युद्धाची वेळ नाही.” युक्रेनमधील मारिंस्की पॅलेसमध्ये मोदी आणि झेलेन्स्की यांच्यातील बैठक सुमारे 3 तास चालली. त्यांनी झेलेन्स्कींना भारत भेटीचे निमंत्रण दिले. तत्पूर्वी, मोदी झेलेन्स्कींसोबत युक्रेनच्या राष्ट्रीय संग्रहालयात पोहोचले, जिथे त्यांनी युद्धात मारल्या गेलेल्या मुलांना श्रद्धांजली वाहिली. त्यांनी बालस्मारकावर एक बाहुलीही ठेवली. ‘भारतासाठी प्रादेशिक अखंडता सर्वात महत्त्वाची’
युक्रेन दौऱ्यावर असताना पीएम मोदी म्हणाले, “सार्वभौमत्व आणि प्रादेशिक अखंडतेचा आदर करणे भारतासाठी सर्वात महत्त्वाचे आहे. शांततेसाठी प्रत्येक प्रयत्नात भारत सक्रिय भूमिका बजावण्यास तयार आहे. मी वैयक्तिकरित्या काही योगदान देऊ शकलो तर, असे पंतप्रधान मोदी म्हणाले. एक मित्र म्हणून मला हे करायला नक्कीच आवडेल. ही बातमी पण वाचा… मोदींना युक्रेनला का जावे लागले?:अमेरिकेशी संरक्षण करार किंवा चीनची भीती, नेमके कारण काय; युक्रेन दौऱ्याचे दावे आणि वास्तव “जगातील सर्वात मोठ्या लोकशाही देशाचा नेता (मोदी) जगातील सर्वात रक्तरंजित गुन्हेगाराची (पुतिन) गळाभेट घेणे हे हृदयद्रावक आहे.” 9 जुलै रोजी मोदी रशियाच्या दौऱ्यावर गेले होते तेव्हा युक्रेनचे राष्ट्राध्यक्ष वोलोडिमिर झेलेन्स्की यांनी हे वक्तव्य केले होते. बरोबर 44 दिवसांनी मोदींनी युक्रेनला भेट दिली. त्यांनी झेलेन्स्की यांचीही गळाभेट घेतली, त्यांच्या खांद्यावर हात ठेवला. मोदींनी झेलेन्स्की यांना सांगितले की, त्यांनी पुतिन यांच्या डोळ्यात डोळे घालून सांगितले की, ही युद्धाची वेळ नाही. वाचा सविस्तर बातमी…