मुख्य बातमी 1/3
मयत बस वाहकाच्या वारसांना 71 लाखांची नुकसान भरपाई
सांगोल्याच्या अपघातात मृत्युमुखी पडलेल्या बस वाहक आनंदा माळी यांच्या परिवारास तब्बल 71 लाख रुपयांची नुकसान भरपाई मिळाली. सोलापूर जिल्हा न्यायालयात दाखल झालेल्या या प्रकरणाचा निकाल लागला असून, तो शनिवारच्या लोकन्यायालयातील सर्वात मोठ्या रकमेचा आणि विशेष लक्षवेधी ठरला.26 सप्टेंबर 2025 रोजी एसटी बसचालक आकाश देवगडकर व वाहक माळी हे बस (एमएच 40 वाय 5037) घेऊन चडचणवरून सांगोला येथे परत आले होते. बसडेपो प्लॅटफॉर्म क्र. 11 येथे बस लावून डेपोमधून मशीन घेऊन येत असताना, एका भरधाव स्विफ्ट कारने (एमएच 45 एएल 0382) त्यांना जोराची धडक दिली. या अपघातात ते गंभीर जखमी होऊन मरण पावले.
