‘डॉक्यूमेंट्रीतील फुटेज काढून टाका नाहीतर 10 कोटी द्या’:नयनताराला धनुषने दिला अल्टिमेटम, म्हणाला- 24 तासांनंतर कायदेशीर कारवाई केली जाईल
दाक्षिणात्य अभिनेत्री नयनताराच्या खुल्या पत्रानंतर आता धनुषच्या वकिलाने एक निवेदन जारी केले आहे, ज्यामध्ये त्याने नयनतारावर कायदेशीर कारवाई करण्याबाबत सांगितले आहे. तसेच २४ तासांचा अल्टिमेटम देत डॉक्यूमेंट्रीतून ते फुटेज काढून टाकले नाही तर १० कोटी रुपयांची नुकसान भरपाई द्यावी लागेल, असे सांगितले. वास्तविक, अभिनेत्री आणि धनुष यांच्यात ‘नयनतारा: बियॉन्ड द फेयरीटेल’ या माहितीपटावरून अनेक दिवसांपासून मतभेद सुरू आहेत. धनुषच्या वकिलाचे म्हणणे वाचा
माझे क्लायंट निर्माते आहेत आणि त्यांना माहित आहे की चित्रपटाच्या निर्मितीचा प्रत्येक पैसा कुठे खर्च होतो. चित्रपटात पडद्यामागचे फोटो समाविष्ट करण्यासाठी कोणालाही नियुक्त करण्यात आलेले नाही आणि हे विधान निराधार आहे. यासाठी तुम्हाला ठोस पुरावे सादर करावे लागतील. नयनताराने धनुषला खडसावले होते
अलीकडेच अभिनेत्री नयनताराने सोशल मीडियावर एक लांबलचक पोस्ट शेअर केली आहे. यामध्ये तिने धनुषला खडसावले. अभिनेत्रीने लिहिले होते की, ‘तुझ्या वडिलांमुळे आणि भावामुळे तू यशस्वी अभिनेता झाला आहेस, पण चित्रपटसृष्टीत माझा कोणी गॉडफादर नव्हता, त्यामुळे मला संघर्ष करावा लागला आणि आज मी माझ्यामुळेच चित्रपटसृष्टीत उभी आहे. माझ्या चाहत्यांना माझे काम माहित आहे आणि ते माझ्या माहितीपटाची वाट पाहत आहेत, परंतु तुमच्या वृत्तीमुळे आमच्या कामावर मोठा प्रभाव पडला आहे. पण याचे परिणाम तुम्हालाही भोगावे लागतील. काय आहे संपूर्ण प्रकरण?
नयनताराने तिच्या ‘नयनतारा: बियॉन्ड द फेयरी टेल’ या माहितीपटासाठी धनुषकडून त्याच्या ‘ननुम राउडी धन’ चित्रपटातील गाणी आणि व्हिज्युअलसाठी परवानगी मागितली होती. पण धनुषने त्यांना परवानगी देण्यास नकार दिला आणि त्यानंतर डॉक्युमेंट्रीचा ट्रेल पाहिल्यानंतर अवघ्या 3 सेकंदांच्या व्हिज्युअल चोरीच्या आरोपाखाली अभिनेत्रीला 10 कोटी रुपयांची कायदेशीर नोटीस पाठवली. नयनतारा स्वतः ननुम राउडी धान या चित्रपटात मुख्य अभिनेत्री होती.
