अमेरिकेत भारतीय दूतावासातील अधिकाऱ्याचा मृतदेह आढळला:घटना दोन दिवसांपूर्वी घडली, स्थानिक पोलिस आणि गुप्तचर यंत्रणा तपास करत आहेत

अमेरिकेची राजधानी वॉशिंग्टन डीसीमध्ये भारतीय दूतावासातील अधिकाऱ्याचा मृतदेह सापडला आहे. पीटीआय या वृत्तसंस्थेच्या वृत्तात असे म्हटले आहे की, भारतीय मिशनच्या आवारातच अधिकाऱ्याचा मृतदेह सापडला आहे. भारतीय दूतावासाने शुक्रवारी सांगितले की, 18 सप्टेंबरच्या संध्याकाळी एका भारतीय अधिकाऱ्याचा मृत्यू झाला होता. एजन्सी कुटुंबीयांच्या संपर्कात आहेत. अधिकाऱ्याचा मृतदेह लवकरात लवकर भारतात परत पाठवला जाईल. स्थानिक पोलीस आणि गुप्तचर यंत्रणा या घटनेचा तपास करत आहेत. पोलिसांनी आत्महत्येच्या अँगलचाही तपासात समावेश केला आहे. मीडिया रिपोर्ट्सनुसार, पोलिसांनी सांगितले की, हे आत्महत्येचे प्रकरण आहे आणि त्याचा तपास सुरू आहे. अधिका-यांनी सांगितले की प्राथमिक तपासात असे दिसून आले की त्या व्यक्तीने गळफास लावून घेतला होता. कुटुंबाची गोपनीयता लक्षात घेऊन दूतावासाने मृत अधिकाऱ्याशी संबंधित माहिती सार्वजनिक केलेली नाही. तुर्कीचे राजदूत वीरेंद्र पॉल यांचे निधन झाले
या वर्षी जूनमध्ये तुर्किये येथील भारताचे राजदूत वीरेंद्र पॉल यांचे निधन झाले होते. ते अनेक दिवसांपासून आरोग्याच्या समस्येने त्रस्त होते. वीरेंद्र पॉल हे 1991 च्या बॅचचे भारतीय परराष्ट्र सेवेचे अधिकारी होते. अंकारा येथे भारताचे राजदूत म्हणून नियुक्त होण्यापूर्वी त्यांनी आफ्रिकन देश केनियामधील उच्चायुक्त आणि सोमालियातील राजदूत यासह अनेक महत्त्वाच्या पदांवर काम केले होते. त्यांनी जिनिव्हा येथे संयुक्त राष्ट्रात भारताचे राजदूत म्हणून काम केले.