महिलेवर 3 जणांकडून बलात्कार, आराेपींवर गुन्हा दाखल:पुण्याच्या स्वारगेट परिसरातील धक्कादायक घटना
स्वारगेट परिसरात राहणाऱ्या 25 वर्षीय महिला घरात एकटयाने अंघाेळ करत असताना, ओळखीचा एक तरुण त्यांच्या घरात शिरुन त्याने तिला बाथरु मधून बळजबरीने ओढून बाहेर काढत जबरदस्तीने तिच्यावर बलात्कार केला तसेच धमकावले. त्यानंतर पुन्हा महिला चुलत सासरच्या घरी गेली त्यावेळी तिसऱ्या मजल्यावर पाण्याची टाकी तपासणीसाठी गेल्या असताना दाेन जणांनी तिचा पाठलाग करुन येत तिच्यावर आळीपाळीने बलात्कार केल्याचा धक्कादायक प्रकार घडला आहे. याबाबत पिडित महिलेने तीन आराेपी विराेधात स्वारगेट पोलिस ठाण्यात फिर्याद दाखल केली आहे. पोलिसांनी दिलेल्या माहितीनुसार, महिला राहत्या घरी असताना सुरुवातीला एक आराेपी तिच्या घरी आला व त्याने तिच्यावर जबरदस्तीने बलात्कार केला. तसेच तिचा गळा दाबून काेणाला काही सांगितले तर तुला व तुझ्या मुलांना जीवे ठार मारण्याची धमकी दिली. पिडित महिला ही तिच्या चुलत सासऱ्यांच्या घरी गेली असताना तिसऱ्या मजल्यावर पाण्याची टाकी तपासणीसाठी गेली हाेती. त्यावेळी दाेन आराेपी जबरदस्तीने तिच्या मागून येऊन एका रुम मध्ये नेऊन तिच्यावर आळीपाळीने बलात्कार करण्यात आला. महिलेने विराेध केला असता तिला आराेपींनी मारहाण केली व सदर प्रकाराबाबत काेणाला काही एक सांगितले तर तिची समाजात बदनामी केली जाईल अशी धमकी दिली आहे. याप्रकरणी महिला पोलिस उपनिरीक्षक एस पाटील करत आहे. लग्नाचे अमिषाने तरुणीवर बलात्कार एका 30 वर्षीय तरुणाने 31 वर्षीय तरुणीशी ओळख निर्माण करुन तिच्याशी प्रेमसंबंध प्रस्थापित केले. तिला लग्न करण्याचे अमिष दाखवून तुझ्याशी लग्न करणार असल्याे सांगून तिच्या इच्छे विरुध्द वेळाेवेळी जबरदस्तीने शारिरिक संबंध ठेवले. तसेच तिने लग्नाची विचारणा केली असता तिला मारहाण व शिवीगाळ करुन धमकी दिली आहे. याप्रकरणी पिडित तरुणीने तक्रार दाखल केल्यानंतर सिंहगड राेड पोलिस ठाण्यात आराेपीवर गुन्हा दाकल करण्यात आला आहे.
