कपूर कुटुंबीयांनी पंतप्रधान मोदींची भेट घेतली:रणबीरने केले अभिवादन, करिनाने घेतला ऑटोग्राफ; नीतू कपूर, करिश्मा, आलिया आणि रिद्धिमाही एकत्र

राज कपूर यांच्या 100व्या जयंतीनिमित्त आयोजित चित्रपट महोत्सवासाठी कपूर कुटुंबाने पंतप्रधान नरेंद्र मोदी यांना आमंत्रित केले आहे. पीएम मोदींसोबतच्या भेटीचे फोटो सोशल मीडियावर समोर आले आहेत, ज्यामध्ये रणबीर कपूर, आलिया भट्ट, करीना कपूर, सैफ अली खान, नीतू कपूर, करिश्मा आणि रिद्धिमा यांच्यासह कपूर कुटुंबातील इतर सदस्यही दिसत आहेत. करीना कपूर खानने तिच्या इंस्टाग्रामवर पंतप्रधान नरेंद्र मोदी यांच्या भेटीचे फोटो शेअर केले आहेत. कॅप्शनमध्ये करिनाने लिहिले की, ‘पंतप्रधान नरेंद्र मोदी यांना राज कपूर यांच्या 100व्या जयंतीसाठी आम्ही आमंत्रित केले. त्यांना भेटून खूप छान वाटतं. यासाठी आपले मनःपूर्वक आभार.” राज कपूर यांच्या जयंतीनिमित्त चित्रपट महोत्सवाचे आयोजन करण्यात आले आहे
राज कपूर यांच्या 100व्या जयंतीनिमित्त 13 डिसेंबर ते 15 डिसेंबर या कालावधीत चित्रपट महोत्सवाचे आयोजन करण्यात येणार आहे. या काळात राज कपूर यांचे चित्रपट 40 शहरे आणि 135 चित्रपटगृहांमध्ये दाखवले जातील.