राजकीय वरदहस्त असल्यामुळे दत्तात्रय गाडेची गावामध्ये दहशत:तंटामुक्त समितीच्या निवडणुकीत एकावर चाकू देखील उगारला होता

स्वारगेट बस डेपो मध्ये झालेल्या बलात्कार प्रकरणातील मुख्य आरोपी दत्तात्रय गाडे याच्यावर राजकीय वरदहस्त असल्याचा आरोप होत आहे. राजकीय वरदहस्त असल्यामुळेच गाडे याने गावामध्ये दहशत निर्माण केली होती. इतकेच नाही तर तंटामुक्त समितीच्या निवडणुकीत देखील त्याने एकावर चाकू उगारला होता. त्यामुळे त्याला गावातील लोकही वैतागले होते. त्यामुळे पोलिसांनी त्याला पकडण्यासाठी गावकऱ्यांकडे मदत मागताच गावकरी आणि पोलिसांनी मिळून त्याला पकडले असल्याची माहिती आता समोर आली आहे. दत्तात्रय गाडेला शोधण्यासाठी पोलिसांचा मोठा फौजफाटा गावात दाखल झाला होता. मात्र पोलिसांनी ग्रामीण पोलिसांना अगोदर कळवून त्याला शोधले असते, तर दत्तात्रय गाडे हा लवकर पकडला गेला असता, असे मत ग्रामस्थांनी व्यक्त केला आहे. दत्तात्रय गाडे याच्यावर या आधी देखील अनेक आरोप झालेले आहेत. त्यामुळे स्थानिक गावकऱ्यांचा त्याला विरोध होता. पोलिसांनी फौजफाटा पाठवण्याच्या आधीच दत्तात्रय गाडेचा शोध घेतला असता तर तो लवकर पोलिसांच्या ताब्यात आला असता, असा दावा आता केला जात आहे. पुण्यातील स्वारगेट बलात्कार प्रकरणातील नराधम आरोपीचे राजकीय कनेक्शन असल्याची माहिती समोर आली आहे. दत्तात्रय गाडे हा राष्ट्रवादी काँग्रेस अजित पवार गटाचा कार्यकर्ता आहे. दत्तात्रय गाडेने शिरूरचे आमदार माऊली कटके यांचा फोटो सोशल मीडियाच्या डीपीला ठेवला आहे. तर शिरूरचे माजी आमदार अशोक पवार यांना वाढदिवसाच्या शुभेच्छा देण्याऱ्या बॅनवरही दत्तात्रय गावडेचा फोटो असल्याचे समोर आले आहे. पुण्यातील स्वारगेट बसस्थानक परिसरात शिवशाही बसमध्ये तरुणीवर झालेल्या बलात्कार प्रकरणामुळे पुणे शहरासह राज्यात खळबळ माजली आहे. दत्तात्रय गाडे असे आरोपीचे नाव आहे. यादरम्यान दत्तात्रय गाडे यांचे आमदार आणि माजी आमदाराच्या एका फ्लेक्सवरही त्याचा फोटो असून आमदार माऊली कटके यांचा फोटो त्याने व्हॉट्सअॅप डीपीला ठेवल्याची माहिती समोर आली आहे. त्यामुळे दत्ता गाडे हा राजकीय पक्षाचा कार्यकर्ता असल्याचे स्पष्ट झाले आहे. दत्तात्रय गाडेशी आपला कोणताही संबंध नाही – माऊली कटके आमदार माऊली कटके यांनी या फोटोबाबत खुलासा केला आहे. आपला दत्तात्रय गाडेशी आपला कोणताही संबंध नसून आपण त्याला ओळखत नसल्याचे माऊली कटके म्हणालेत. मी मतदारसंघांतील 10 हजार पेक्षा जास्त लोकांना देवदर्शन करून आणले आहे. अनेक कार्यकर्ते मतदारसंघात फिरत असताना फोटो काढत असतात. माझा संबंधित व्यक्तीसोबत फोटो असला तरी त्याचा आणि माझा कसलाही संबंध नाही. कारण अनेक कार्यकर्ते मतदारसंघात सोबत फोटो काढत असतात, असे माऊल कटके यांनी स्पष्ट केले आहे. आरोपीला कठोरात कठोर शिक्षा व्हावी आणि केस फास्टटॅ्क कोर्टात हा खटला चालवावा, अशी माझी मागणी असल्याचेही ते म्हणाले.