कपिलच्या शोमध्ये गोविंदाने एक मजेशीर किस्सा सांगितला:गोळी प्रकरणावर शिल्पाने विचारला प्रश्न, म्हणाली- सुनिता नव्हती तर गोळी कोणी मारली

गोविंदाने नुकताच शिल्पा शेट्टीशी संबंधित गमतीशीर किस्सा शेअर केला आहे. त्याने सांगितले की, जेव्हा त्याला गोळी लागली तेव्हा शिल्पा त्याला भेटायला रुग्णालयात आली होती. त्यानंतर अभिनेत्रीने गोविंदाला फायरिंगविषयी गमतीशीर प्रश्न विचारला होता. अभिनेत्री म्हणाली सुनिता घरी नसताना गोळी चालवली कोणी? शिल्पाने एक गमतीशीर प्रश्न विचारला- गोविंदा नेटफ्लिक्सचा शो द ग्रेट इंडियन कपिल शर्माच्या आगामी एपिसोडचा प्रोमो रिलीज झाला आहे. या एपिसोडमध्ये गोविंदा, शक्ती कपूर, चंकी पांडे दिसणार आहेत. यात गोविंदाने शिल्पा शेट्टीशी संबंधित एक गमतीशीर गोष्ट शेअर केली, तो म्हणाला- कपिल, जेव्हा शिल्पा मला भेटायला रुग्णालयात आली तेव्हा तिने विचारले, ची-ची तुला दुखापत कशी झाली? सुनिता कुठे होती? तर मी उत्तर दिले आणि म्हणालो – सुनीता त्यावेळी मंदिरात गेली होती. उत्तर ऐकून शिल्पा गमतीशीरपणे म्हणाली, सुनीता नसताना गोळी कोणी मारली? ही गोष्ट ऐकून शोच्या सेटवर उपस्थित असलेले सर्वजण हसू लागले. द ग्रेट इंडियन कपिल शोचा हा भाग शनिवार, 30 नोव्हेंबर रोजी प्रीमियर होणार आहे. गोविंदाला कशी लागली होती गोळी गोविंदाला 1 ऑक्टोबरला पायाला गोळी लागली होती. रिव्हॉल्व्हर साफ करत असताना मिसफायरिंग झाली. 1 ऑक्टोबरच्या सकाळी गोविंदा आपल्या घरी एकटाच होता, तेव्हा रिव्हॉल्वर ठेवताना मिसफायरिंग झाली आणि त्याच्या पायाला गोळी लागली. यानंतर त्याला मुंबईच्या क्रिटी केअर रुग्णालयात दाखल करण्यात आले, जिथे शस्त्रक्रियेनंतर अभिनेत्याच्या पायातून गोळी काढण्यात आली. हा अपघात जेव्हा झाला तेव्हा त्याची पत्नी सुनिता आहुजा जयपुरमध्ये होती. गोविंदा-शिल्पा यांनी अनेक चित्रपटांत सोबत काम केले गोविंदा आणि शिल्पा यांनी अनेक चित्रपटांत सोबत काम केले आहे. दोघांचा पहिला चित्रपट आग हा 1994 साली आला होता, त्यांनतर 1995 साली हथकडी आणि गॅम्बलर हे दोन चित्रपट रिलीज झाले. यानंतर 1996 साली छोटे सरकार हा चित्रपट आला. परदेसी बाबू हा या जोडीचा शेवटचा चित्रपट होता. 21 सप्टेंबरपासून दुसरा सीझन सुरू झाला द ग्रेट इंडियन कपिल शर्मा शोचा दुसरा सीझन नेटफ्लिक्सवर २१ सप्टेंबरपासून सुरू झाला आहे. या शोमध्ये कपिलसोबत अर्चना पूरण सिंग, कृष्णा अभिषेक, किकू शारदा, सुनील ग्रोव्हर आणि राजीव ठाकुर हे कलाकार आहेत.