नंदनकाननला पोहोचले ओडिशाच्या जंगलातून सापडलेले 5 लहान ओरंगुटान
ओडिशाच्या बालासोर जिल्ह्यातील जंगलात मंगळवारी सकाळी सापडलेल्या 5 लहान ओरंगुटानचे रहस्य अधिक गडद झाले आहे. खरं तर, ते भारतात आढळत नाहीत, त्यामुळे त्यांची तस्करी करून येथे आणले असण्याची दाट शक्यता आहे. वन अधिकारी प्रतीक प्रकाश इंदलकर यांच्या मते, पाचही ओरंगुटानला सध्या भुवनेश्वर येथील नंदनकानन प्राणीसंग्रहालयात ठेवण्यात आले आहे. 3 नर आणि 2 मादी पिल्ले आहेत. सर्वांचे वय 6 महिने ते 1 वर्षादरम्यान आहे. चार पिल्ले निरोगी आहेत. पाचव्यावर लक्ष ठेवले जात आहे, खरं तर, जंगलात सापडलेल्या पाचव्या ओरंगुटानमध्ये निर्जलीकरणाची (डिहायड्रेशन) लक्षणे दिसली होती. प्रादेशिक मुख्य वन संरक्षक प्रकाश चंद गोगिनेनी यांनी सांगितले की, पिल्लांना पकडण्यासाठी तस्कर जंगलात त्यांच्या आईला निर्दयीपणे मारतात. मादी ओरंगुटान आपल्या पिल्लाला 7-8 वर्षांच्या वयापर्यंत सोडत नाही. अशा परिस्थितीत, आईविना या पाचही पिल्लांना जिवंत ठेवणे हे मोठे आव्हान असेल. दावा- तस्कर काळ्या एसयूव्हीमध्ये होते