सोलापूर जिल्हा
फलकाअभावी सावळेश्वर, कोळेगावजवळ अपघात
सोलापूर-पुणे राष्ट्रीय महामार्गावर मोहोळ तालुक्यातील सावळेश्वर तसेच कोळेगाव परिसरात पूल बांधणी आणि रस्ता रूंदीकरणाचे काम चालू आहे. तेथे बॅरिकेड, दिशादर्शक फलक न लावल्यामुळे वाहनधारकांना अंदाज येत नसल्याने सावळेश्वर व कोळेगावजवळ कार व ट्रक उलटली. यामध्ये चौघे जण बचावले. याबाबतची अधिक माहिती अशी, ठाकरे सेनेचे कोळेगाव विभागप्रमुख सागर गायकवाड हे कारने (एमएच 14 डीएक्स 0041) मोहोळकडे जात होते. सकाळी 9.30 वाजता मोहोळ तालुक्यातील कोळेगांव जवळ येताच तिथे मोठा खोदलेला रस्ता दिसला तिथे बॅरिकेड नव्हते, रस्ता बाजूने खोदला असून, रुंदीकरणाचे काम चालू आहे, असा फलक नाही. खड्डा पाहून चालकाने अचानक ब्रेक मारल्याने गाडी तीन वेळा उलटली. त्यात ते व त्यांचे सहकारी किरकोळ जखमी झाले.
