कोयना धरणातून पाणी सोडणे बंद:सातारा-सांगलीत पाणीटंचाईचे संकट गडद, कॅबिनेट बैठकीत निर्णयाकडे लक्ष
कोयना धरणातून पाणी सोडणे बंद करण्यात आल्याने पश्चिम महाराष्ट्रातील पाणीटंचाईचा प्रश्न गंभीर बनला आहे. पिण्याच्या पाण्यासह शेतीच्या सिंचनासाठी आवश्यक असलेल्या पाण्याचा प्रश्न ऐरणीवर आला असून, कोयना आणि कृष्णा नदीची पात्रे कोरडी पडू लागली आहेत. नदीकाठच्या गावांना पाणीपुरवठा करणाऱ्या योजनांचे जॅकवेल उघडे पडल्याने अनेक गावांच्या पाणीपुरवठ्यावर परिणाम झाला आहे. दुसरीकडे, सिंचनासाठी पाणी उपसण्यावरही निर्बंध घालण्यात आले आहेत. पावसाने ओढ दिल्याने आधीच संकटात सापडलेल्या शेतकऱ्यांसमोर आता पिके जगविण्याचे आव्हान उभे राहिले आहे. या पार्श्वभूमीवर कोयना धरणातील पाण्याचे नियोजन, वीजनिर्मिती आणि सिंचनासाठी राखीव असलेल्या पाण्याच्या कोट्यात कपात करून ते पिण्यासाठी उपलब्ध करून द्यायचे का, याबाबत आगामी मंत्रिमंडळ बैठकीत निर्णय होण्याची शक्यता आहे. त्यामुळे पश्चिम महाराष्ट्राचे लक्ष या बैठकीकडे लागले आहे. पावसाने ओढ दिल्याने पाणीटंचाईचे संकट यंदा एल निनोच्या प्रभावामुळे मान्सूनवर परिणाम झाल्याचे चित्र असून, राज्यातील अनेक भागांत सरासरीपेक्षा कमी पाऊस झाला. परिणामी, जमिनीतील भूजल पातळीत अपेक्षित वाढ होऊ श
