रक्षा खडसेंच्या लेकीची छेडछाड प्रकरण:ते टवाळखोर शिंदेंच्या शिवसेना आमदाराचे कार्यकर्ते, रोहिणी खडसे यांचा मोठा दावा

रक्षा खडसे यांच्या लेकीची जत्रेमध्ये काही समाजकंटकांनी छेडछाड केली होती. या घटनेमध्ये एका विशिष्ट पक्षाचे लोक असल्याचे मुख्यमंत्री देवेंद्र फडणवीस म्हणाले होते. मात्र तो विशिष्ट पक्ष कोणता? असा प्रश्न उपस्थित झाला होता. रक्षा खडसेंच्या मुलीची छेडछाड करणारे लोक एकनाथ शिंदेंच्या शिवसेना आमदाराचे कार्यकर्ते असल्याचा दावा, राष्ट्रवादी काँग्रेस शरदचंद्र पवार पक्षाच्या महिला प्रदेशाध्यक्षा रोहिणी खडसे यांनी केला आहे. एफआयआरमधे नाव असलेले अनिकेत भोई, पीयूष मोरे यांचे आमदार चंद्रकांत पाटील आणि उपमुख्यमंत्री एकनाथ शिंदे यांच्या सोबतचे फोटो सोशल मीडियावर व्हायरल झाले आहेत. या घटनेमध्ये दुर्दैवाने एका विशिष्ट पक्षाचे पदाधिकारी असल्याची सांगितले. या लोकांनी अतिशय वाईट प्रकारचे काम केलेले आहे. पोलिसांनी गुन्हा दाखल केलेला आहे. काहींना अटक केलेली आहे. इतरांनाही अटक केली जाईल. कुठल्याही परिस्थितीत अशा लोकांना माफी देता कामा नये. त्यांच्यावर अतिशय कडक कारवाई होईल, असे मुख्यमंत्री देवेंद्र फडणवीस म्हणाले होते. यानंतर रोहिणी खडसे यांनी ते लोक शिंदेंच्या आमदारांचे कार्यकर्ते असल्याचा दावा केला आहे. आरोपींचे एकनाथ शिंदे यांच्या सोबत फोटो
देवेंद्र फडणवीस यांनी त्यांच्या वक्तव्यात असे म्हटले आहे की, आरोपी एका विशिष्ट पक्षाचे आहेत. त्यानंतर हे फोटो सोशल मीडियावर व्हायरल होत आहेत. आरोपींचे एकनाथ शिंदे यांच्या सोबत फोटो आहेत, असा दावा रोहिणी खडसे यांनी केला. आरोपी सत्ताधारी पक्षाचे जरी कार्यकर्ते असले तरी त्यांनी कारवाईचे आदेश दिले, याबाबत मला देवेंद्र फडणवीस यांचे आभार व्यक्त करायचे आहेत. पण कारवाईचे आदेश देण्यापेक्षा लवकरात लवकर त्या मुलींना न्याय देण्यासाठी आणि भविष्यात अशा घटना घडवू नये, यासाठी देखील देवेंद्र फडणवीस यांनी महाराष्ट्रातील पोलिस अधिकाऱ्यांना सूचना करणे अपेक्षित आहे, असेही रोहिणी खडसे यांनी एका वृत्तवाहिनीशी बोलताना सांगितले. त्यांच्यावर कडक कारवाई झाली पाहिजे
सत्ताधारी पक्षाच्या आमदारांचे कार्यकर्त्यांची जर अशा छेडखानीच्या प्रकरणात नावे येत असतील. तर देवेंद्र फडणवीस यांनी कारवाई करण्याचे आदेश दिले हे स्वागतार्ह आहे. पण कडक कारवाई करणे अपेक्षित आहे. कदाचित सत्ताधारी पक्षाचे कार्यकर्ते आहेत, असे त्यांना उघडपणे मान्य करायचे नसेल. पण त्यांनी इतके तरी मान्य केले की ते विशिष्ट पक्षाचे कार्यकर्ते आहेत. आणि त्यांच्यावर कडक कारवाई झाली पाहिजे, यासाठी देवेंद्र फडणवीस यांचे कौतुकच करायला हवे, असेही रोहिणी खडसे यांनी म्हटले आहे. हे ही वाचा…. सुरक्षा रक्षक सोबत असतानाही रक्षा खडसेंच्या मुलीची छेड:यात्रेत व्हिडिओही काढला; केंद्रीय मंत्र्यांच्या तक्रारीनंतर चौघांविरोधात गुन्हा केंद्रीय मंत्री आणि भाजपच्या नेत्या रक्षा खडसे यांच्या मुलीची छेड काढल्याचा धक्कादायक प्रकार समोर आला आहे. मुक्ताईनगर तालुक्यातील एका जत्रेत शुक्रवारी हा प्रकार घडला. याप्रकरणी मुक्ताईनगर पोलिस ठाण्यात चौघांविरोधात गुन्हा दाखल झाला आहे. या प्रकारामुळे रक्षा खडसे आक्रमक झाल्या असून छेडछाड करणाऱ्या तरुणांना अटक करण्याची मागणी पोलिसांकडे केली आहे. पूर्ण बातमी वाचा…