रणबीर कपूरने सांगितला एक मजेशीर किस्सा:म्हणाला- राहाला पहिल्यांदा राज कपूर यांचे गाणे ऐकवले होते, किशोर कुमार कोण हे आलियाला माहीत नव्हतं

गोव्यातील 55 व्या भारतीय आंतरराष्ट्रीय चित्रपट महोत्सवादरम्यान रणबीर कपूरने आलिया आणि राहा यांच्याशी संबंधित एक मनोरंजक किस्सा शेअर केला. अभिनेत्याने सांगितले की त्याने त्याची मुलगी राहा हिला पहिले गाणे कोणते ऐकवले होते. चित्रपट महोत्सवादरम्यान रणबीरने सांगितले की, त्याने पहिल्यांदा राहासाठी त्याचे आजोबा राज कपूर यांचे गाणे ऐकवले. रणबीरने सर्वप्रथम राहाला आजोबांचे गाणे ऐकवले फिल्म फेस्टिव्हलमध्ये एका संवादादरम्यान रणबीर म्हणाला, मी पहिल्यांदा माझे आजोबा राज कपूर यांचे ‘किसी की मुस्कुराहटों पे हो निसार’ हे गाणे राहाला ऐकवले होते. तो म्हणाला, हे गाणे माझे आवडते असून हे गाणे जीवन जगण्याचे उत्तम दर्शन आहे. ‘किसी की मुस्कुराहटों पे हो निसार’ हे गाणे अनाडी चित्रपटातील आहे. आणि हे गाणे राज कपूर यांच्यावर चित्रीत करण्यात आले आहे. हा चित्रपट 1959 साली प्रदर्शित झाला होता. आलिया किशोर कुमार यांना ओळखत नव्हती पुढे बोलताना रणबीर कपूर म्हणाला, आपण आपली मुळं विसरू नयेत, आजही असे अनेक लोक आहेत ज्यांना राज कपूर यांच्या चित्रपटांबद्दल काहीच माहिती नाही, ज्यांनी त्यांचे काम पाहिले नाही. त्याने सांगितले, जेव्हा मी आलियाला पहिल्यांदा भेटलो तेव्हा तिने मला विचारले की किशोर कुमार कोण आहेत? अभिनेता म्हणाला- हे जीवनाचे चक्र आहे. कलाकारांचा विसर पडतो आणि नवे कलाकार येतात. म्हणून आपण आपली मुळे लक्षात ठेवणे फार महत्वाचे आहे. राज कपूर यांना रोमँटिक कथांमध्ये रस होता यादरम्यान रणबीरला आजोबांबद्दल अनेक प्रश्न विचारण्यात आले. अभिनेत्याला विचारण्यात आले की त्याला त्याचे आजोबा राज कपूर यांच्या कोणत्या चित्रपटात पाहायला आवडेल. रणबीरने उत्तर दिले की, ‘बॉबी हा चित्रपट त्यांनी बनवला असल्याने आणि त्यांना नेहमीच रोमँटिक कथांमध्ये जास्त रस होता, त्यांनी ‘ये जवानी है दिवानी’ चित्रपटाचे दिग्दर्शन कसे केले असते हे पाहणे मला आवडले असते.’ रणबीरचे आगामी चित्रपट रणबीरच्या वर्कफ्रंटबद्दल बोलायचे झाले तर तो लवकरच ‘रामायण : भाग १’ या चित्रपटात दिसणार आहे. याशिवाय तो संजय लीला भन्साळी यांच्या ‘लव्ह अँड वॉर’ या चित्रपटात दिसणार आहे.