शॉन करन बनले US सीक्रेट सर्व्हिसचे डायरेक्टर:गेल्या वर्षी गोळी लागल्यानंतर ट्रम्प यांना वाचवले; सुरक्षा पथकाचे नेतृत्व करत होते

अमेरिकेचे राष्ट्राध्यक्ष डोनाल्ड ट्रम्प यांनी शॉन करन यांची सीक्रेट सर्व्हिसच्या संचालकपदी निवड केली आहे. ट्रम्प यांनी बुधवारी ही माहिती दिली. गेल्या वर्षी पेनसिल्व्हेनियामध्ये ट्रम्प यांच्यावर झालेल्या प्राणघातक हल्ल्यादरम्यान शॉन करन सुरक्षा दलाचे नेतृत्व करत होते. ट्रम्प यांनी त्यांच्या सोशल मीडियावर पोस्ट करत लिहिले- शॉन एक महान देशभक्त आहे. गेल्या काही वर्षांपासून त्याने माझ्या कुटुंबाचे रक्षण केले आहे. शॉनने आपला जीव धोक्यात घालून माझा जीव पेनसिल्व्हेनियामध्ये मारेकऱ्याच्या गोळीपासून वाचवला. त्यांनी निर्भयपणा आणि धैर्य दाखवले होते. शॉन करन सीक्रेट सर्व्हिस पूर्वीपेक्षा अधिक मजबूत करतील, असा विश्वास अमेरिकेच्या अध्यक्षांनी व्यक्त केला. करन यांनी बराक ओबामा यांच्यासोबत काम केले आहे शॉन करन हे न्यूयॉर्कचे रहिवासी आहे. न्यू यॉर्क टाईम्सच्या म्हणण्यानुसार, त्याने आपल्या करिअरची सुरुवात गुप्त सेवाच्या नेवार्क फील्ड ऑफिसमध्ये एक विशेष एजंट म्हणून केली. त्याच्यासोबत काम करणारा माजी एजंट जोनाथन व्हॅक्रो यांच्या मते, करनने राष्ट्राध्यक्ष बराक ओबामा यांच्यासोबत स्पेशल डिपार्टमेंटमध्येही काम केले आहे. त्यांनी हायप्रोफाईल लोकांच्या सुरक्षा विभागात काम केले आहे. NYT च्या मते, शॉन करनला सीक्रेट सर्व्हिसचे संचालक बनवणे आश्चर्यकारक आहे. करनने सीक्रेट सर्व्हिसच्या कोणत्याही मुख्यालयात काम केलेले नाही. त्यांची थेट एजंटकडून संचालक म्हणून नियुक्ती केली जात आहे. त्यांच्या नियुक्तीसाठी शोनेटच्या परवानगीची आवश्यकता नाही. करनला संचालकासारख्या पदावर काम करण्याचा अनुभवही नाही. या हल्ल्यानंतर सीक्रेट सर्व्हिस डायरेक्टरला राजीनामा द्यावा लागला डोनाल्ड ट्रम्प यांच्यावर झालेल्या जीवघेण्या हल्ल्यानंतर सीक्रेट सर्व्हिसच्या तत्कालीन संचालक किम्बर्ली चीटल यांना अवघ्या 10 दिवसांनी राजीनामा द्यावा लागला होता. जबाबदारी योग्य प्रकारे पार पाडत नसल्याचा आरोप त्यांच्यावर होत होता. यामुळे चीटल यांना संसदीय समितीसमोर हजर व्हावे लागले. चीटल यांनी समितीला सांगितले की, ‘ट्रम्प यांच्या सुरक्षेत त्रुटी राहिल्या आहेत. एजन्सीने आपले काम नीट केले नाही. याची पूर्ण जबाबदारी मी घेते. ज्या गोदामातून ट्रम्प यांच्या हल्लेखोराने गोळीबार केला होता, तो गोदाम सीक्रेट सर्व्हिसने सुरक्षा क्षेत्रात समाविष्ट केलेला नाही. हे गोदाम ट्रम्प यांच्या स्टेजपासून अवघ्या 400 फूट अंतरावर होते. सीक्रेट सर्व्हिस एजंट्स तेथे का तैनात नाहीत, असे चीटलला विचारले असता, त्यांनी काहीही सांगितले नाही.