सत्ता स्थापन होत असताना गावी जायचे नाही का?:एकनाथ शिंदे यांचा सवाल, म्हणाले – महायुतीमध्ये समन्वयाचा अभाव नाही

राज्यात सत्ता स्थापनेचा तिढा सुरू असताना काळजीवाहू मुख्यमंत्री एकनाथ शिंदे अचानक त्यांच्या मूळगावी दरे येथे गेले होते. तेव्हापासून राजकारणात विविध चर्चांना उधाण आले होते. त्यांची तब्येत बिघडल्यामुळे ते आराम करण्यासाठी गावी गेल्याचे सांगण्यात आले होते. एकनाथ शिंदे यांनी आज माध्यमांशी संवाद साधला. यावेळी बोलताना सत्ता स्थापन होत असताना गावी जायचे नाही का? असा सवाल त्यांनी केला आहे. मी नेहमीच गावी येत असतो, असेही ते म्हणाले. महायुतीमध्ये समन्वयाचा अभाव नाही. मुख्यमंत्री कोण असेल याचा निर्णय नरेंद्र मोदी, अमित शहा घेतील. मी माझी भूमिका याआधीच स्पष्ट केली आहे. भाजपचे वरिष्ठ जो निर्णय घेतील, त्याला शिवसेनेचा पाठिंबा असेल, असे स्पष्टीकरण एकनाथ शिंदे यांनी दिले. श्रीकांत शिंदेंबाबतच्या माध्यमांमध्ये चर्चा
उपमुख्यमंत्री पदासाठी श्रीकांत शिंदे यांच्या नावाची चर्चा सुरू आहे. या सर्व चर्चा माध्यमांमध्ये सुरू आहेत. आमची अमित शहांसोबत एक बैठक झाली आहे. आता तिनही पक्षांच्या नेत्यांची दुसरी बैठक देखील लवकर होणार आहे. त्या बैठकीत चर्चा होऊन महाराष्ट्राच्या हिताचा निर्णय होईल, असे एकनाथ शिंदे म्हणाले. विरोधकांना काही काम राहिले नाही आम्ही जनतेला उत्तरदायित्व आहोत. महायुतीमध्ये समन्वयाचा अभाव नाही. विरोधकांना काही काम राहिले नाही. त्यांच्याकडे विरोधी पक्ष नेता होण्याइतके संख्याबळ नाही. झारखंडमध्ये त्यांचा विजय झाला. लोकसभेतही ते जिंकले, मग तेव्हा ईव्हीएम मशीन चांगले होते का? असा सवाल विरोधकांना केला आहे. मी आरामासाठी गावी आलो लाडक्या बहिणींनी, लाडक्या शेतकऱ्यांनी आम्हाला भरभरून प्रेम दिले. सर्वांच्या प्रेम आणि आशीर्वादामुळे महायुतीचे सरकार प्रचंड बहुमताने आले आहे. निवडणुकीच्या काळात खूप धावपळ झाली. मी एका दिवसात 8-10 सभा घेतल्या. माझ्या अडीच वर्षांच्या कार्यकाळात सुटी घेतली नव्हती. धावपळीमुळे थकवा आला होता. त्यामुळे मी आराम करण्यासाठी गावाकडे आलो होतो. गावी आलो की वेगळे समाधान मिळते. आता माझी तब्येत ठीक आहे, असे एकनाथ शिंदे म्हणाले. हे ही वाचा… मुस्लिम बहुल भागात महायुतीला कमी मते मिळतात:तिथे EVM मविआसाठीच कशी काय सेट होते?, सदाभाऊ खोतांचा बाबा आढावांना सवाल विधानसभा निवडणुकीत लोकशाहीचे वस्त्रहरण झाले असून ईव्हीएम घोटाळा झाला. ईव्हीएम आणि पैशाच्या वापरामुळे राज्यात वेगळा निकाल लागला, असा आरोप ज्येष्ठ सामाजिक कार्यकर्ते बाबा आढाव यांनी केला. या आरोपावरून सदाभाऊ खोत यांनी बाबा आढाव यांना उलटा सवाल केला आहे. मुस्लिमबहुल भागात मुस्लिम बहुल भागात महायुतीला कमी मते मिळतात. तिथे ईव्हीएम मशीन महाविकास आघाडीसाठीच कशी काय सेट होते? असा सवाल सदाभाऊ खोत यांनी केला आहे. सविस्तर वाचा…