भीमा नदीपात्रात अवैध वाळू वाहतुक

पंढरपूर तालुक्यातील अवैध वाळू उपसा रोखण्यासह वाळूची अवैध वाहतूक करणार्‍यांच्या विरोधात कारवाई करण्यासाठी प्रांताधिकारी सचिन इथापे यांच्या मार्गदर्शनाखाली तहसीलदार सचिन लंगुटे यांनी विविध पथकांची नेमणूक केली आहे. चंद्रभागा नदीपात्रात जुन्या दगडी पुलाजवळ अवैध वाळू उत्खनन करून वाहतूक करणारा अशोक लेलँड कंपनीचा टेम्पो तसेच मौजे गुरसाळे (ता. पंढरपूर) येथील भीमा नदीपात्रालगत एक जेसीबी व एक टिपर अवैध गौण खनिज उत्खनन व वाहतूक करण्यात येत असल्याची माहिती महसूल प्रशासनास मिळाली. सदरच्या दोन्ही कारवाई महसूल पथकाने पहाटे 5.00 ते सकाळी 8.00 वाजण्याच्या दरम्यान केली. सदर कारवाईमधील वाहने शासकीय धान्य गोदाम येथे जमा करण्यात आली आहेत.

या दोन्ही कारवाईमध्ये मंडळ अधिकारी विजय शिवशरण, बाळासाहेब कदम, राजेंद्र वाघमारे, ग्राम महसूल अधिकारी प्रमोद खंडागळे, महेशकुमार सावंत, गणेश पिसे, संजय खंडागळे, रविकिरण लोखंडे, पी. पी. कोईगडे, आर. बी. खंदारे, राहुल गुटाळ व पंढरपूर तालुका पोलिस स्टेशनचे पोलिस हवालदार हनुमंत शिंदे, पोलिस कॉन्स्टेबल आवटे, सूर्यवंशी व पंढरपूर शहर पोलिस स्टेशनचे अधिकारी व कर्मचारी सहभागी होते.