जॉर्जियाच्या रेस्त्राँमध्ये गॅस गळती, 11 भारतीयांचा मृत्यू:कार्बन मोनोऑक्साइडमुळे जीव गुदमरला, एकाच खोलीत झोपले होते

जॉर्जियातील गुडौरी येथील स्की रिसॉर्टमध्ये सोमवारी 11 भारतीयांसह 12 जणांचा मृत्यू झाला. 12वी व्यक्ती जॉर्जियाची आहे. पोलिसांनी दिलेल्या माहितीनुसार, हे सर्वजण रिसॉर्टच्या दुसऱ्या मजल्यावरील एका खोलीत झोपले होते. कार्बन मोनॉक्साईड गळतीमुळे त्यांचा गुदमरून मृत्यू झाला. पोलिसांनी सांगितले की, प्राथमिक तपासात त्याच्या शरीरावर मारहाणीच्या किंवा जखमेच्या कोणत्याही खुणा आढळल्या नाही. जॉर्जियाची राजधानी त्बिलिसी येथे असलेल्या भारतीय दूतावासाने या घटनेवर शोक व्यक्त केला आहे. दूतावासाने सांगितले की, ‘ मृतदेह लवकर भारतात पाठवता यावेत, यासाठी आम्ही स्थानिक अधिकाऱ्यांसोबत काम करत आहोत.’ जॉर्जियाचे गृह मंत्रालयाने या घटनेची चौकशी सुरू असल्याचे सांगितले. सीएनएननुसार, कामगारांच्या बेडजवळ एक जनरेटर सापडला होता. कदाचित वीज गेल्यानंतर तो चालू करण्यात आला. त्यातूनच वायुची गळती झाली. मृतांची ओळख अद्याप जाहीर केलेली नाही. नकाशावरून जॉर्जिया कुठे आहे ते समजून घ्या… सध्या गुडौरी येथे रात्रीच्या वेळी तापमान उणे 15 अंशापर्यंत जाते. हीटरशिवाय येथे रात्र घालवणे जीवघेणे ठरू शकते. यामुळेच येथे राहणारे लोक खोलीत उष्णतेची व्यवस्था करतात. गुडौरी हे रशियन सीमेजवळ काकेशस पर्वतरांगांच्या जवळ आहे. हे देशातील सर्वात मोठे आणि सर्वोच्च स्की रिसॉर्ट आहे. येथे प्रामुख्याने युरोपियन पर्यटक येतात. अहवालानुसार, गेल्या वर्षी येथे 3 लाखांहून अधिक लोक स्कीइंगसाठी आले होते. गुदौरी रिसॉर्ट 7,200 फूट (2,195 मीटर) उंचीवर आहे. येथे 56 किमी स्कीइंग करता येते. येथे 10,750 फूट (3,277 मीटर) शिखरावरून स्कीइंग सुरू करता येते.