पाकिस्तानात पतंग उडवल्यास 5 वर्षांची कैद:पंजाब विधानसभेने घातली बंदी, तसेच 6 लाखांच्या दंडाची तरतूद

पाकिस्तानच्या पंजाब प्रांतात मंगळवारी पतंगबाजीवर बंदी घालण्यात आली आहे. न्यूज एजन्सी एपीने दिलेल्या माहितीनुसार, पंजाब विधानसभेनेही याबाबत एक विधेयक मंजूर केले आहे. पतंग उडवताना पकडल्यास 3 ते 5 वर्षे तुरुंगवास किंवा 20 लाख पाकिस्तानी रुपये (6 लाख भारतीय रुपये) दंड किंवा दोन्ही होऊ शकतात. दंड न भरल्यास एक वर्षाची अतिरिक्त शिक्षा होऊ शकते. पतंग बनवणाऱ्या आणि त्याची विक्री करणाऱ्यांना कठोर शिक्षेचीही घोषणा या विधेयकात करण्यात आली आहे. त्यांना 5 ते 7 वर्षे तुरुंगवास किंवा 50 लाख रुपये दंड किंवा दोन्ही शिक्षा होऊ शकतात. दंड न भरल्यास 2 वर्षांची अतिरिक्त शिक्षा होऊ शकते. या कायद्यात अल्पवयीन मुलांसाठी शिक्षेची स्वतंत्र तरतूद आहे. अल्पवयीन मुलांना पहिल्या गुन्ह्यासाठी 50,000 रुपये आणि दुसऱ्या गुन्ह्यासाठी 1 लाख रुपये दंड ठोठावला जाईल. तिसऱ्यांदा गुन्हा केल्यास, 2018 च्या बाल न्याय कायद्यानुसार शिक्षा दिली जाईल. पंजाबने गेल्या वर्षभरापासून पतंग उडवणे हा अजामीनपात्र गुन्हा ठरवला आहे लोकांमध्ये भीती निर्माण करण्यासाठी एवढ्या मोठ्या शिक्षेची आणि दंडाची तरतूद करण्यात आल्याचे अहवालात म्हटले आहे. हा कायदा सर्व प्रकारच्या धाग्यांनी बनवलेल्या पतंगांना लागू होतो. गेल्या वर्षी ऑगस्टमध्ये पंजाब सरकारने पतंग बनवणे, उडवणे आणि विकणे हा अजामीनपात्र गुन्हा घोषित केला होता. लाहोरशिवाय इतर शहरांमध्येही ही बंदी लागू आहे पतंग उडवताना धारदार मांजाच्या वापरामुळे अनेक जीवघेणे अपघात घडत असल्याचे विधेयकात नमूद करण्यात आले आहे. लाहोरशिवाय इतर शहरांमध्येही ही बंदी लागू करण्यात आली आहे. बसंत उत्सवापूर्वी संपूर्ण राज्यात या कायद्याची अंमलबजावणी होणार आहे. गेल्या वर्षी मार्चमध्ये फैसलाबादमध्ये एका मोटारसायकलस्वाराचा पतंगाच्या मांजाने गळा चिरल्याने मृत्यू झाला होता. 2005 मध्ये पहिल्यांदा पतंगबाजीवर बंदी घालण्यात आली होती. त्यानंतर एका स्पर्धेदरम्यान काचेच्या पावडरपासून बनवलेल्या मांजाने 11 जणांचा बळी घेतला.