मराठी बातम्या

महाराष्ट्र 08 Aug 2026

सुप्रिया सुळेंनी सांगितले पंतप्रधानांशी भेटीचे नेमके कारण

"आम्ही महाराष्ट्राच्या प्रश्नांसाठी आणि विकासकामांसाठी रीतसर वेळ मागून देशाच्या पंतप्रधानांची भेट घेणार आहोत. ते केवळ एका पक्षाचे पंतप्रधान नाहीत, तर संपूर्ण देशाचे पंतप्रधान आहेत. त्यांच्यासोबत होणाऱ्या बैठकीचे फोटोही आम्ही तुम्हाला नक्की देऊ," असा टोला राष्ट्रवादी काँग्रेस (शरदचंद्र पवार) पक्षाच्या नेत्या आणि खासदार सुप्रिया सुळे यांनी लगावला आहे. पत्रकार परिषदेत बोलताना सुळे यांनी केंद्र सरकारचे फॉरेन कॉन्ट्रिब्युशन रेग्युलेशन ॲक्ट (FCRA) बिल, नीट परीक्षा वाद, महाराष्ट्रातील शेतकरी कर्जमाफी आणि 'जेन झी' आंदोलनावर सरकारला धारेवर धरले.

Natepute Pratinidhi

महाराष्ट्र 07 Aug 2026

बाप्पाच्या स्वागतासाठी एसटी सज्ज

श्री गणरायाचे आगमन 14 सप्टेंबर रोजी होत असून, बाप्पाच्या स्वागतासाठी महाराष्ट्र राज्य मार्ग परिवहन महामंडळ (एसटी) सज्ज झाले आहे. मुंबई, ठाणे, पालघर आणि परिसरातील कोकणवासीयांसाठी अत्यंत जिव्हाळ्याच्या असलेल्या गणेशोत्सवानिमित्त एसटी महामंडळाने यंदा 7 सप्टेंबर ते 25 सप्टेंबर या कालावधीत 5,220 जादा बसेस सोडण्याचा निर्णय घेतला आहे, अशी माहिती परिवहन मंत्री तथा एसटी महामंडळाचे अध्यक्ष प्रताप सरनाईक यांनी दिली. गणेशोत्सवाच्या जादा वाहतुकीच्या नियोजनासंदर्भात एसटी महामंडळाच्या मुख्यालयात आयोजित आढावा बैठकीत ते बोलत होते. या बैठकीस महामंडळाचे उपाध्यक्ष व व्यवस्थापकीय संचालक डॉ. माधव कुसेकर तसेच एसटीचे सर्व विभागप्रमुख उपस्थित होते. मंत्री प्रताप सरनाईक म्हणाले, "गणेशोत्सव हा कोकणवासीयांच्या भावविश्वाशी घट्ट जोडलेला सण आहे. किंबहुना, गणपती बाप्पा, कोकणातील रहिवासी आणि एसटी यांचे अतूट नाते आहे. त्यामुळे दरवर्षीप्रमाणे यंदाही नफा-तोट्याचा विचार न करता कोकणात जाणाऱ्या प्रवाशांच्या सेवेसाठी एसटी सज्ज आहे. यंदा सुमारे 5,220 जादा बसेस कोकणातील विविध मार्गांवर धावणार आहेत."

Natepute Pratinidhi

महाराष्ट्र 07 Aug 2026

पंतप्रधान नरेंद्र मोदींची सदिच्छा भेट

संसदीय अधिवेशनादरम्यान मतदारसंघातील प्रलंबित प्रश्नांवर राष्ट्रवादी कॉंग्रेस अजित पवार गटाचे खासदार सुनील तटकरे यांनी पंतप्रधान नरेंद्र मोदी यांच्यासह 10 केंद्रीय मंत्र्यांची भेट घेतली. या वेळी मुंबई-गोवा महामार्गाचे रखडलेले काम आणि अन्यायकारक टोलच्या मुद्द्यावर त्यांनी नितीन गडकरींचे लक्ष वेधले असून, यावर गडकरींनी तातडीने कारवाईच्या सूचना दिल्या आहेत. सुनील तटकरे म्हणाले, संबंध अधिवेशनात लोकसभा मतदारसंघातील अनेक विषय मांडता आले नाहीत. त्यामुळे उपलब्ध असलेल्या वेळेत काही जे महत्त्वाचे प्रश्न जे आहेत, त्या संबंधातील मंत्र्यांना भेटलो. जवळपास 10 मंत्र्यांना मी भेटलो. माननीय पंतप्रधान मोदींची भेट झाली ती सदिच्छा भेट आणि मार्गदर्शनासाठी होती.

Natepute Pratinidhi

महाराष्ट्र 07 Aug 2026

5 हजार 29 कोटींची पहिली कर्जमाफी खात्यात

"पुण्यश्लोक अहिल्यादेवी होळकर शेतकरी कर्जमाफी योजनेअंतर्गत आषाढी एकादशीला घोषित करण्यात आलेल्या पहिल्या यादीतील 6 लाख 22 हजार शेतकऱ्यांच्या खात्यात आज जवळपास 5 हजार 29 कोटी रुपयांचा पहिला हप्ता जमा करण्यात आला आहे. आधार ऑथेंटिकेशन पूर्ण केलेल्या सर्व शेतकऱ्यांचे कर्जखाते आता 'नील' (Zero) झाले आहे," अशी महत्त्वपूर्ण माहिती राज्याचे मुख्यमंत्री देवेंद्र फडणवीस यांनी आज माध्यमांशी बोलताना दिली. मुंबईत आयोजित पत्रकार परिषदेत फडणवीस यांनी कर्जमाफी योजना, नाशिकमधील रस्ते आणि कुंभमेळ्याची कामे, तसेच राज्यातील इतर राजकीय आणि सुरक्षाविषयक घडामोडींवर सविस्तर भाष्य केले. कर्जमाफीची पारदर्शक आणि सोपी प्रक्रिया फडणवीस म्हणाले, "शेतकऱ्यांनी कर्जमाफीसाठी कोणताही अर्ज करण्याची गरज नाही. ग्रामपंचायतींना पाठवलेल्या यादीनुसार शेतकऱ्यांनी फक्त आपला आधार क्रमांक बँक खात्याशी लिंक करून ऑथेंटिकेट करायचा आहे.

Natepute Pratinidhi

महाराष्ट्र 07 Aug 2026

मंत्री शंभूराज देसाई यांनी घेतली शरद पवारांची भेट

सातारा जिल्हा बॅंकेचे पहिले अध्यक्ष लोकनेते दिवंगत बाळासाहेब देसाई यांचे नातू आणि राज्याचे पर्यटनमंत्री शंभूराज देसाईंनी 'सिल्व्हर ओक'वर जाऊन शरद पवार यांची भेट घेतल्याने सातारा जिल्हा सहकारी बँकेच्या वर्तुळात खळबळ उडाली आहे. शंभूराज देसाई पहिल्यांदाच 'सिल्व्हर ओक'वर गेले आहेत. त्यामुळे पवार-देसाई यांच्या भेटीकडे सातारा जिल्हा मध्यवर्ती सहकारी बँकेच्या निवडणुकीच्या संदर्भाने पाहिले जात आहे. महायुतीतच्या सरकारमध्ये पर्यटन मंत्री आणि सातारा जिल्ह्याचे पालकमंत्री असलेल्या शंभूराज देसाईंनी गुरुवारी शरद पवारांच्या 'सिल्व्हर ओक' निवासस्थानी जाऊन भेट घेतली.

Natepute Pratinidhi

सोलापूर जिल्हा 07 Aug 2026

'सोलापुरी चादरी'चा गौरव थेट पंतप्रधानांकडे

राष्ट्रीय हातमाग दिनाच्या औचित्याने राज्यसभा खासदार प्रा. डॉ. ज्योती वाघमारे यांनी पंतप्रधान नरेंद्र मोदी यांची पंतप्रधान निवासस्थानी भेट घेऊन सोलापूरची जागतिक ओळख असलेल्या हातमाग परंपरेचे प्रतीक मानली जाणारी आणि पंतप्रधान नरेंद्र मोदी यांची प्रतिमा विणलेली विशेष सोलापुरी चादर भेट दिली. या आगळ्यावेगळ्या भेटीने सोलापूरच्या हातमाग उद्योगाची परंपरा, कौशल्य आणि सांस्कृतिक वैभवाला राष्ट्रीय स्तरावर विशेष अधोरेखित करण्यात आले. एनडीएच्या नवनिर्वाचित राज्यसभा आणि लोकसभा खासदारांसाठी आयोजित विशेष अल्पोपहार कार्यक्रमात डॉ. ज्योती वाघमारे यांनी पंतप्रधानांना ही अनोखी भेट सुपूर्द केली.

Natepute Pratinidhi

महाराष्ट्र 06 Aug 2026

महायुतीत पुन्हा वाद उफाळला:एकनाथ शिंदेंमुळेच भाजप सत्तेत

महायुतीतील धुसफूस पुन्हा एकदा चव्हाट्यावर आली असून, भाजप नेत्यांच्या वक्तृत्वावर शिवसेनेचे नेते रवींद्र धंगेकर यांनी जोरदार हल्लाबोल केला आहे. आज राज्यात भाजप जी सत्तेत आहे, ती केवळ तत्कालीन मुख्यमंत्री एकनाथ शिंदे यांनी सुरू केलेल्या 'मुख्यमंत्री माझी लाडकी बहीण' योजनेची कृपा आहे, असे ठणकावून सांगत धंगेकरांनी भाजपला शिवसेनेचे आभार मानण्याचा सल्ला दिला आहे. उद्योगमंत्री उदय सामंत यांच्यावर भाजपचे विजय चौधरी आणि अमरीश पटेल यांनी केलेल्या आक्षेपार्ह विधानांचा धंगेकर यांनी जाहीर निषेध नोंदवला. लोकप्रियतेच्या शिखरावर असलेल्या शिवसेनेच्या नेत्यांवर टीका करून प्रसिद्धी मिळवण्याचा हा केविलवाना प्रयत्न आहे, असा टोला त्यांनी लगावला. तसेच, भाजप प्रदेशाध्यक्ष रवींद्र चव्हाण यांनी अशा वाचाळ नेत्यांवर कडक शिस्तभंगाची कारवाई करावी, अशी मागणी त्यांनी केली.

Natepute Pratinidhi

महाराष्ट्र 06 Aug 2026

कायद्यापेक्षा कुणी मोठं नाही

काँग्रेसचे ज्येष्ठ नेते आणि राज्याचे माजी मंत्री विजय वडेट्टीवार यांनी आज घेतलेल्या पत्रकार परिषदेत राज्य व केंद्र सरकारवर सडकून टीका केली. माळशेज घाटातील अदानींचा वीज प्रकल्प, राज्यावरील वाढते कर्ज, आरक्षणावरून दिले जाणारे नियमबाह्य दाखले, सरसंघचालकांचा जेन-झी (Gen-Z) तरुणांशी संवाद आणि 'गुंगी गुडिया' या शब्दावरून झालेला वाद, या सर्व मुद्द्यांवरून त्यांनी सत्ताधाऱ्यांचे वाभाडे काढले. अदानींच्या फायद्यासाठी शेतकऱ्यांच्या जमिनी घशात पुण्यातील माळशेज घाट परिसरात अदानी समूहाला दिलेल्या 1500 मेगावॅट वीज प्रकल्पावरून वडेट्टीवारांनी सरकारला धारेवर धरले.

Natepute Pratinidhi

महाराष्ट्र 06 Aug 2026

कुणबी प्रमाणपत्रांच्या वैधतेवर उदय सामंत यांचे मोठे विधान

मनोज जरांगे पाटील यांच्या आंदोलनानंतर राज्य सरकारने मोठ्या प्रमाणावर मराठा समाजाला कुणबी आणि ओबीसी (OBC) प्रमाणपत्रे दिली आहेत. मात्र, या प्रमाणपत्रांच्या वैधतेबाबत (Validity) अनेक ठिकाणी अडचणी येत असून, ती नाकारली जात असल्याच्या तक्रारी समोर आल्या आहेत. या अत्यंत संवेदनशील मुद्द्यावर राज्याचे उद्योगमंत्री उदय सामंत यांनी नांदेड येथील पत्रकार परिषदेत सविस्तर स्पष्टीकरण दिले आहे. तसेच, सुप्रीम कोर्टात सुरू असलेल्या शिवसेना फुटीच्या सुनावणीवर आणि एमआयडीसी (MIDC) व उद्योजकांच्या प्रश्नांवरही त्यांनी भाष्य केले.

Natepute Pratinidhi

महाराष्ट्र 06 Aug 2026

स्वातंत्र्य दिनानिमित्त भाजपची देशभरात 'तिरंगा रॅली

आगामी स्वातंत्र्यदिनाचे औचित्य साधून भारतीय जनता पक्षाच्या (BJP) वतीने संपूर्ण देशभरात 9 ते 17 ऑगस्टदरम्यान भव्य 'तिरंगा रॅली'चे आयोजन करण्यात आले आहे. या मोहिमेअंतर्गत 10 ऑगस्ट रोजी मुंबईत विशेष तिरंगा रॅली पार पडणार असून, यामध्ये राज्याचे नेते देवेंद्र फडणवीस स्वतः हातात तिरंगा घेऊन सहभागी होणार आहेत. या रॅलीत तब्बल 20 ते 25 हजार युवक-युवती सहभागी होणार असून, तरुणाईला पक्षाशी जोडण्यासाठी भाजपने हे मोठे नियोजन केले आहे. मुंबईत 10 ऑगस्टला भव्य सोहळा; 25 हजार तरुणांचा सहभाग स्वातंत्र्य दिनाच्या पार्श्वभूमीवर भाजपच्या वतीने देशभक्तीचे वातावरण निर्माण करण्यासाठी हे व्यापक अभियान हाती घेण्यात आले आहे.

Natepute Pratinidhi

महाराष्ट्र 06 Aug 2026

जंतर-मंतर आंदोलनानंतर CJPची आज निर्णायक बैठक

जंतर-मंतर आंदोलनानंतर आता कॉक्रोच जनता पार्टी पुढील राजकीय आणि संघटनात्मक दिशा निश्चित करण्याच्या तयारीत आहे. छत्रपती संभाजीनगर येथे आज दुसऱ्या दिवशीही पक्षाच्या कोअर कमिटीची महत्त्वपूर्ण बैठक होत असून, देशभरातील आंदोलनांची रणनीती, संघटन विस्तार आणि विविध राष्ट्रीय प्रश्नांवर पुढील भूमिका याबाबत निर्णय होण्याची शक्यता आहे. छत्रपती संभाजीनगर येथे कॉक्रोच जनता पार्टीचे संस्थापक अभिजित दिपके यांच्या उपस्थितीत पक्षाच्या कोअर कमिटीची बैठक आज दुसऱ्या दिवशीही सुरू असणार आहे. जंतर-मंतरवरील आंदोलनानंतर संघटनेची पुढील दिशा काय असावी, देशभरात संघटन कसे वाढवायचे, तसेच विविध राज्यांमध्ये जनआंदोलने उभारण्यासाठी कोणती रणनीती आखायची, यावर बैठकीत सविस्तर चर्चा होत असल्याची माहिती पक्षाकडून देण्यात आली आहे.

Natepute Pratinidhi

महाराष्ट्र 06 Aug 2026

सीजेपीच्या बैठकीत दिपकेंच्या वडिलांनाही प्रवेश नाही

देशातील सध्याची राजकीय परिस्थिती पाहता सीजेपी (कॉक्रोच जनता पार्टी) राजकीय पक्ष स्थापन करणार नाही. त्याऐवजी दबावगट म्हणून काम करणार, असे सीजेपीतर्फे पत्रकार परिषदेत स्पष्ट करण्यात आले. न्यायव्यवस्था, मीडिया आणि निवडणूक आयोग यांसारख्या महत्त्वाच्या संस्थांवरील लोकांचा विश्वास उडाल्याचे जंतर-मंतर, बंगाल, मुंबई आणि चेन्नईसह देशभरात स्पष्टपणे दिसून आले आहे. त्यामुळे संस्थांमधील नि:पक्षता आणि उत्तरदायित्व पुनरुज्जीवित करण्यासाठी देशव्यापी चळवळ उभारणार, असेही सांगण्यात आले. सीजेपीचे संस्थापक अभिजित दिपकेंच्या वाळूज येथील निवासस्थानी मंगळवारी रात्री अडीच वाजेपर्यंत आणि बुधवारी सकाळी पक्षाच्या कोअर कमिटीची राष्ट्रीय बैठक झाली.

Natepute Pratinidhi

ताज्या मराठी बातम्या

सुप्रिया सुळेंनी सांगितले पंतप्रधानांशी भेटीचे नेमके कारण

बाप्पाच्या स्वागतासाठी एसटी सज्ज

पंतप्रधान नरेंद्र मोदींची सदिच्छा भेट

5 हजार 29 कोटींची पहिली कर्जमाफी खात्यात

नवीन बातम्या

सुप्रिया सुळेंनी सांगितले पंतप्रधानांशी भेटीचे नेमके कारण

बाप्पाच्या स्वागतासाठी एसटी सज्ज

पंतप्रधान नरेंद्र मोदींची सदिच्छा भेट

5 हजार 29 कोटींची पहिली कर्जमाफी खात्यात

मंत्री शंभूराज देसाई यांनी घेतली शरद पवारांची भेट

'सोलापुरी चादरी'चा गौरव थेट पंतप्रधानांकडे

महायुतीत पुन्हा वाद उफाळला:एकनाथ शिंदेंमुळेच भाजप सत्तेत

कायद्यापेक्षा कुणी मोठं नाही

कुणबी प्रमाणपत्रांच्या वैधतेवर उदय सामंत यांचे मोठे विधान

स्वातंत्र्य दिनानिमित्त भाजपची देशभरात 'तिरंगा रॅली

जंतर-मंतर आंदोलनानंतर CJPची आज निर्णायक बैठक

सीजेपीच्या बैठकीत दिपकेंच्या वडिलांनाही प्रवेश नाही

तुमच्याकडे परिसरातील बातमी आहे?