ताज्या मराठी बातम्या

सिंहस्थ नाशिकचा; धावपळ शिर्डीची

नाशिक-त्र्यंबकेश्वर येथील सिंहस्थ कुंभमेळ्याची तयारी वेगाने सुरू असताना त्याचे पडसाद शिर्डीतही उमटणार आहेत. सिंहस्थासाठी नाशिकमध्ये येणारे लाखो भाविक साईदर्शनासाठी शिर्डी, शनिशिंगणापूर आणि परिसरातील धार्मिक स्थळांकडे वळण्याची शक्यता आहे. त्यामुळे नेहमीच मोठी भाविकसंख्या असलेल्या शिर्डीला आगामी काळात गर्दी, वाहतूक, पार्किंग आणि पायाभूत सुविधांची मोठी परीक्षा द्यावी लागणार आहे. पालकमंत्री राधाकृष्ण विखे पाटील यांच्या माध्यमातून शिर्डी नगरपालिकेला निधी उपलब्ध झाल्यानंतर विविध विकासकामे सुरू आहेत. मात्र सिंहस्थाच्या संभाव्य गर्दीचा आवाका पाहता आजच्या गरजांपुरते नियोजन करून भागणार नाही.