MARATHI NEWS

ताज्या मराठी बातम्या

बाबा आढावांच्या प्रेरणेतून कामगारांच्या‎अडचणी सोडवण्याचे काम सतत करणार‎

ज्येष्ठ कामगार नेते स्व. डॉ. बाबा आढाव यांनी हमाल कामगारांसाठी मोठी चळवळ उभी केल्याने त्यांना न्याय मिळाला. डॉ. बाबा आढाव यांच्या प्रेरणेतूनच हमाल कामगारांच्या अडचणी सोडवण्याचे काम सातत्याने केले आहे. ज्येष्ठ कामगार नेते डॉ. बाबा आढाव यांची प्रेरणा घेऊन हमाल कामगारांच्या कायम पाठीशी राहणार असल्याची ग्वाही आमदार राजेंद्र राऊत यांनी दिली. येथील हमाल-तोलार कामगारांच्या जिल्हा मेळाव्यात राऊत बोलत होते. अध्यक्षस्थानी राज्य हमाल मापाडी महामंडळाचे सरचिटणीस सुभाष लोमटे होते. या वेळी राज्य हमाल मापाडी महामंडळाचे उपाध्यक्ष राजकुमार घायाळ यांनी शासकीय धान्य गोदामातील कामगारांच्या सरळ वाहतुकीविषयी नाराजी व्यक्त करून तो प्रश्न आमदार राऊत यांच्या माध्यमातून मुख्यमंत्री, अन्न व नागरी पुरवठा मंत्र्यांशी चर्चा करून सोडवण्याचा प्रयत्न केला जाणार असल्याचे स्पष्ट केले.

सोलापूर जिल्हा

नवीन बातम्या

213 निकाल

सोलापूर जिल्हा 16 Sep 2026

बाबा आढावांच्या प्रेरणेतून कामगारांच्या‎अडचणी सोडवण्याचे काम सतत करणार‎

Natepute Pratinidhi

सोलापूर जिल्हा 16 Sep 2026

मंगळवेढा मोजणी कार्यालयाविरोधात आंदोलन

मंगळवेढा येथील उपअधीक्षक भूमी अभिलेख कार्यालयातील प्रलंबित कामे, कामकाजातील अनियमितता, खाजगी व्यक्तींचा हस्तक्षेप, अतिरिक्त शुल्क आकारणी आणि विकासकामांना होत असलेल्या विलंबाच्या निषेधार्थ मंगळवारी (दि. 15) कार्यालयासमोर जोरदार ठिय्या आंदोलन करण्यात आले. या वेळी शेतकरी, कष्टकरी व सर्वसामान्य नागरिकांच्या वतीने प्रांताधिकारी यांना निवेदन देण्यात आले. खाजगी व्यक्तींचा हस्तक्षेप: शासकीय कामकाजात खाजगी व्यक्तींचा अनधिकृत हस्तक्षेप होत असून, त्यांना बसण्याची परवानगी कोणी दिली, याचा खुलासा करण्याची मागणी करण्यात आली. मोजणी प्रक्रियेसाठी ई-सेवा केंद्राद्वारे सुमारे 1,500 रुपये आकारले जात असून, चलन भरतानाही निर्धारित शुल्काव्यतिरिक्त 30 ते 40 रुपये अतिरिक्त घेतले जात आहेत.

Natepute Pratinidhi

सोलापूर जिल्हा 16 Sep 2026

साहित्यरंग:शिक्षकाची अशैक्षणिक कामे, अनाठायी उपक्रम

मंगळवेढा महाराष्ट्रातील समाजसुधारकांच्या प्रयत्नांमुळे जातीभेद व लिंगभेदाची दरी कमी होऊन शिक्षण सर्वांपर्यंत पोहोचले. मात्र अलीकडच्या काळात सरकारी शाळांच्या भवितव्यापुढे प्रश्नचिन्ह निर्माण झाले आहे. अशैक्षणिक कामे, अनाठायी उपक्रम, भौतिक सुविधा व पुरेशा मनुष्यबळाचा अभाव यामुळे निर्माण झालेल्या परिस्थितीचा मागोवा लेखमालेच्या रूपाने घेण्यात आल्याचे प्रतिपादन भाऊ चासकर यांनी केले. ते महाराष्ट्र राज्य प्राथमिक शिक्षक समितीचे माजी राज्य संपर्कप्रमुख सुरेश पवार यांनी लिहिलेल्या चक्रव्युहात शिक्षण या पुस्तकाच्या द्वितीय आवृत्तीचे प्रकाशन शिक्षणतज्ज्ञ भाऊ चासकर यांच्या हस्ते व आमदार डॉ. बाबासाहेब देशमुख अध्यक्षतेखाली संपन्न झाले.

Natepute Pratinidhi

सोलापूर जिल्हा 16 Sep 2026

बनावट बँक खाती उघडून फसवणूक, नातेपुतेत 6जण गजाआड

नातेपुते - रेशन कार्डचे ई-केवायसी न केल्यास धान्य मिळणे बंद होईल, अशी खोटी भीती दाखवून तब्बल 300 हून अधिक नागरिकांचे आधारकार्ड, बायोमेट्रिक थंब इम्प्रेशन आणि फेस ऑथेंटिकेशनचा गैरवापर करून बनावट सिमकार्ड आणि बँक खाती उघडणाऱ्या 6 आरोपींना पोलिसांनी अटक केली असून दोन आरोपी अद्याप फरार आहेत. या धडक कारवाईत लॅपटॉप आणि मोबाईलसह सुमारे 12 लाख 15 हजार रुपयांचा मुद्देमाल जप्त केला आहे. नागरिकांची ऑनलाईन आर्थिक फसवणूक करणाऱ्या एका आंतरजिल्हा टोळीचा नातेपुते पोलिसांनी पर्दाफाश केला आहे. नातेपुते पोलिस ठाण्याच्या हद्दीतील लोंढे, मोहितेवाडी, फडतरी व लोणंद परिसरातील 300 हून अधिक नागरिकांची ई-केवायसीच्या नावाखाली माहिती घेण्यात आल्याचे तपासात समोर आले आहे. नागरिकांची वैयक्तिक माहिती, बायोमेट्रिक तसेच फेस ऑथेंटिकेशनचा वापर करून त्यांच्या नावावर परस्पर मोबाईल सिमकार्ड काढण्यात आल्याचे तपासात निष्पन्न झाले आहे.

Natepute Pratinidhi

सोलापूर जिल्हा 13 Sep 2026

खड्ड्यामुळे दुचाकीस्वाराने अचानक ब्रेक दाबला अन् ट्रकखाली चिरडून मृत्यू:पाथर्डी फाटा ते वडनेर दुमाला रस्त्यावर घटना; शहरात गेल्या तीन महिन्यांत 12 वा बळी

पाथर्डी फाटा ते वडनेर दुमाला रस्त्यावर खड्डा वाचवण्याच्या प्रयत्नात एका 38 वर्षीय दुचाकीस्वाराने ब्रेक दाबला आणि पाठीमागून आलेल्या भरधाव ट्रक खाली सापडल्याने त्यांचा जागीच मृत्यू झाला. सुनील केशव पगारे (रा. पाथर्डी गाव) असे मृत व्यक्तीचे नाव आहे. शहरातील खड्ड्यांमुळे गेल्या तीन महिन्यांत गेलेला हा 12 वा बळी असून, प्रशासनाच्या निष्काळजीपणावर नागरिकांमध्ये संताप वाढला आहे. शुक्रवारी सायंकाळी सुनील हे आपले काम आटोपून दुचाकीने घराकडे परतत होते. यश मेडिकलजवळ रस्त्यावरील खड्ड्यामुळे त्यांनी दुचाकीचा वेग कमी केला. नेमक्या याच वेळी पाठीमागून भरधाव आलेल्या ट्रकने त्यांच्या दुचाकीला जोरदार धडक दिली.

Natepute Pratinidhi

महाराष्ट्र 13 Sep 2026

बाप्पाच्या आगमनाआधी मुंबईत पावसाची जोरदार एन्ट्री

लाडक्या गणपती बाप्पाच्या आगमनाची सर्वत्र जोरदार तयारी सुरू असतानाच, ऐन सणासुदीच्या तोंडावर वरुणराजाने मुंबई आणि उपनगरांमध्ये दमदार हजेरी लावली आहे. अनेक दिवसांच्या विश्रांतीनंतर अचानक कोसळणाऱ्या या मुसळधार पावसामुळे गणेशभक्तांची मोठी धांदल उडाली आहे. एकीकडे बाप्पाची मूर्ती घरी आणण्याची लगबग आणि शेवटच्या टप्प्यातील खरेदी, तर दुसरीकडे रस्त्यांवर साचलेले पाणी आणि महामार्गांवरील वाहतूक कोंडी, अशा दुहेरी संकटाचा सामना सध्या मुंबईकर आणि कोकणात जाणारे चाकरमानी करत आहेत. खरेदी आणि सजावटीच्या कामांवर परिणाम मुंबईत मध्यरात्रीपासूनच पावसाने चांगला जोर धरला आहे.

Natepute Pratinidhi

महाराष्ट्र 13 Sep 2026

बाटलीतले भूत बंद करण्याची ताकद असणाऱ्यांनीच ते बाहेर काढावे

मराठा आरक्षणाच्या मागणीसाठी मनोज जरांगे पाटील यांनी पुन्हा एकदा आक्रमक पवित्रा घेत मुंबईत धडकण्याची घोषणा केली आहे. त्यांच्या या निर्णयामुळे राज्यातील राजकीय वातावरण चांगलेच तापले असून, ठाण्यात सत्ताधारी महायुतीमधील अंतर्गत वादही चव्हाट्यावर येऊ लागले आहेत. भाजपचे ज्येष्ठ नेते आणि मंत्री गणेश नाईक यांनी मनोज जरांगे यांच्या आंदोलनाच्या पार्श्वभूमीवर उपमुख्यमंत्री एकनाथ शिंदे यांना उद्देशून अप्रत्यक्षपणे टोला लगावला आहे.

Natepute Pratinidhi

सोलापूर जिल्हा 13 Sep 2026

प्रवास सुखाचा:मोहोळला मिळाल्या पाच नव्या बस

राज्यातील तीन महामार्गावर असणाऱ्या मोहोळ बसस्थानकाची बिकट अवस्था पाहता परिवहनमंत्री प्रतापसिंह सरनाईक यांच्याकडे सातत्याने पाठपुरावा करून मोहोळ बसस्थानकाला पाच बसेस मंजूर केल्या आहेत. त्या बसेसचा आज लोकार्पण सोहळा करण्यात आला असून, या बसचा वापर तालुक्यातील सर्वसामान्य नागरिकांसाठी केला जाईल, असे सांगत लवकरच मोहोळ तालुक्याच्या सुसज्ज अशा बसस्थानकाच्या कामाच्या शुभारंभाचा नारळ परिवहनमंत्री व माझ्या हस्ते फोडल्याशिवाय मी स्वस्त बसणार नाही, असे आश्वासन आमदार राजू खरे यांनी दिले.

Natepute Pratinidhi

सोलापूर जिल्हा 13 Sep 2026

दुष्काळाचे वास्तव:पावसाअभावी जळून गेलेल्या खरीप पिकांसह शेतकऱ्यांचे आश्रूही जिल्हाधिकाऱ्यांनी पाहिले

जिल्ह्यात उजनी 100 टक्के भरल्याच्या समाधानामागे दुष्काळाची भीषण वास्तविकता लपल्याचे जिल्हा प्रशासनाच्या प्रत्यक्ष पाहणीत उघड झाले आहे. पावसाचा प्रदीर्घ खंड आणि जमिनीतील गायब झालेला ओलावा यामुळे खरीप हंगामातील पिके सुकल्याचे चित्र जिल्हाधिकारी एस. कार्तिकेयन यांच्या प्रत्यक्ष पाहणी दौऱ्यात ठळकपणे समोर आले. महसूल व कृषी यंत्रणेला वातानुकूलित कक्षातून बाहेर काढून थेट बांधावर धाडणाऱ्या प्रशासनाने 12 व 13 सप्टेंबर अशा दोन दिवसांत सर्व 11 तालुक्यांची कसून तपासणी सुरू केली असून, या पाहणीच्या आधारे दुष्काळसदृश परिस्थितीचा वस्तुनिष्ठ अहवाल तातडीने शासनाकडे पाठवला जाणार आहे.

Natepute Pratinidhi

सोलापूर जिल्हा 13 Sep 2026

येणकी येथे संत सेना महाराज जयंती, विविध धार्मिक कार्यक्रम

येणकी (ता. मोहोळ) येथे नाभिक समाजाच्या वतीने श्री संत सेना महाराज यांच्या पुण्यतिथीनिमित्त विविध धार्मिक कार्यक्रमांचे आयोजन केले होते. मागील 13 वर्षांपासून येणकी, वटवटे, मिरी, येणकी, इंचगाव व सोहाळे या गावातील समाजबांधव एकत्रित येऊन जयंती उत्सव साजरी केली जाते. यंदाही जयंती निमित्त कीर्तन, प्रवचन, हरिजागर आदी धार्मिक कार्यक्रमांचे आयोजन केले होते. या वेळी जकराया शुगरचे अध्यक्ष तथा जि.प. सदस्य सचिन जाधव यांच्या हस्ते संत सेना महाराज यांच्या प्रतिमेचे पूजन करण्यात आले.

Natepute Pratinidhi

सोलापूर जिल्हा 13 Sep 2026

जेऊरवाडीत जन्मेर लडी सोहळा समाप्ती

जेऊरवाडी (ता. अक्कलकोट) येथे श्रावण मासानिमित्त संपूर्ण महिना भजन, कीर्तनाचे कार्यक्रम आयोजित केला होता. या कार्यक्रमात संत सेवालाल मंदिर आणि जगदंबा मंदिरात श्रावण मासानिमित्त संत सेवालाल महाराज यांच्या जन्मेर लडी या पवित्र श्रद्धा आणि आद्वितीय धार्मिक कार्यक्रमामुळे गावात भक्तीमय वातावरण निर्माण झाले होते.

Natepute Pratinidhi

सोलापूर जिल्हा 13 Sep 2026

हॉटेलमध्ये जेवतानाच लक्ष्मण हाकेंवर हल्ल्याचा प्रयत्न

राज्यात मराठा आरक्षण आणि ओबीसी आरक्षणाचा संघर्ष तीव्र झालेला असतानाच ओबीसी नेते लक्ष्मण हाके यांच्यासोबत सोलापूर जिल्ह्यातील मोहोळ परिसरात झटापट झाल्याची घटना समोर आली आहे. हाके हे वडीगोद्रीहून सोलापूरमार्गे सांगोल्याकडे जात असताना पाकणी फाट्याजवळील एका हॉटेलमध्ये जेवण्यासाठी थांबले होते. यावेळी काही तरुणांनी त्यांच्याशी हुज्जत घातल्याचा आरोप आहे. त्यानंतर हाके हॉटेलमधून बाहेर पडताना काही जणांनी त्यांची गाडी अडवल्याने पुन्हा वाद झाला आणि धक्काबुक्की झाल्याचे सांगण्यात येत आहे. या घटनेनंतर पोलिसांनी दोन तरुणांना ताब्यात घेतल्याची माहिती आहे.

Natepute Pratinidhi

LOCAL UPDATE

तुमच्याकडे परिसरातील बातमी आहे?

माहिती WhatsAppवर पाठवा. पडताळणीनंतर Natepute Expressवर प्रकाशित केली जाईल.

माहिती पाठवा