मराठी बातम्या

सोलापूर जिल्हा 23 Sep 2026

करमाळ्यात महिला सुरक्षा अन् कायद्याबाबत पथनाट्यातून जागर

महिला व मुलींनी संकटाच्या प्रसंगी कोणती काळजी घ्यावी, छेडछाड व महिलांवरील अत्याचाराच्या घटना घडल्यास तातडीने पोलिसांशी संपर्क कसा साधावा, यासाठीचे असणारे हेल्पलाइन नंबर देण्यात आले. तसेच उपलब्ध कायदेशीर मदत व सुरक्षा यंत्रणांचा वापर कसा करावा, महिला व मुलींनी भीती न बाळगता अन्याया विरोधात आवाज उठवावा, संशयास्पद अथवा त्रासदायक प्रकारांची माहिती तत्काळ पोलिसांना द्यावी आणि सुरक्षिततेला प्राधान्य द्यावे, असा संदेश पथनाट्यातून देण्यात आला. महिला व मुलींच्या सुरक्षिततेबाबत जनजागृती करण्याच्या उद्देशाने करमाळा निर्भया पथक व करमाळाचा राजा गणेशोत्सव मंडळ, राशीन पेठ, करमाळा यांच्या विद्यमाने करमाळा शहरातील विविध ठिकाणी निर्भया पथक या विषयावर प्रभावी पथनाट्याचे आयोजन करण्यात आले होते.

Natepute Pratinidhi

महाराष्ट्र 19 Sep 2026

कणकवलीतले खून पचवण्यासाठी यांना सत्ता हवी

"दिशा सालियन प्रकरणात केवळ ठाकरे कुटुंबावर चिखलफेक करून प्रसिद्धी मिळवण्यासाठी काही लोकांना हाताशी धरून हा घाणेरडा राजकीय खेळ सुरू आहे. अब्रूची भाषा बोलणाऱ्यांनी हे लक्षात ठेवावे की, आमचीही प्रतिष्ठा आणि मानमर्यादा आहे. कोणाच्या तरी हातचे बाहुले बनून आरोप करणाऱ्यांच्या पाठीशी कोणती अदृश्य शक्ती आहे आणि या संपूर्ण प्रकरणासाठी अर्थपुरवठा कुठून केला जातोय, हे आम्हाला पक्के ठाऊक आहे," असा सणसणीत प्रतिहल्ला शिवसेना (उद्धव बाळासाहेब ठाकरे) पक्षाचे मुख्य प्रवक्ते व खासदार संजय राऊत यांनी चढवला आहे. मुंबईत घेतलेल्या पत्रकार परिषदेत बोलताना संजय राऊत यांनी दिशा सालियन मानहानी प्रकरणातील नोटीस, मंत्री नितेश राणे यांच्या विधानांवरून कणकवलीतील जुन्या गुन्ह्यांचा पाढा, केंद्रीय निवडणूक आयोगाचा बेमुर्वतखोरपणा, राष्ट्रीय स्वयंसेवक संघाच्या सरसंघचालकांचे 'सूर्यास्ता'चे वक्तव्य आणि यूपीआय शुल्कावरून केंद्र सरकारवर जोरदार प्रहार केला.

Natepute Pratinidhi

महाराष्ट्र 19 Sep 2026

जुने पूल पाडणार, नवा 'अखंड' उड्डाणपूल उभारणार

छत्रपती संभाजीनगर शहरातील वाहतूक व्यवस्थेला मोठा बदल घडवून आणणाऱ्या प्रस्तावित उड्डाणपुलाच्या कामाला आता वेग येण्याची शक्यता आहे. शेंद्रा येथून सुरू होऊन बजाजनगरमधील ओएसिस चौकाच्या पुढे जाणाऱ्या या महत्त्वाकांक्षी प्रकल्पासाठी तब्बल 4 हजार कोटी रुपयांचा खर्च अपेक्षित असल्याची माहिती पालकमंत्री संजय शिरसाट यांनी दिली. मुख्यमंत्र्यांनी या प्रकल्पाची घोषणा केल्यानंतर आता त्याचा सविस्तर प्रकल्प अहवाल म्हणजेच DPR तयार करण्याचे काम सुरू झाल्याचे त्यांनी सांगितले.

Natepute Pratinidhi

महाराष्ट्र 19 Sep 2026

दुष्काळ-पंचनाम्यांवरून गिरीश महाजनांचा उद्धव ठाकरेंवर पलटवार

"राज्यात पावसाने दडी मारल्याने भीषण दुष्काळी परिस्थिती निर्माण झाली आहे. पिके हातातून गेली तरी सरकार शेतकऱ्यांना मदत करेल, धान्याची गोदामे भरलेली आहेत, पण पाणी कुठून आणायचे हा खरा मोठा प्रश्न आहे. अशा गंभीर संकटाच्या काळात राजकारण करणाऱ्या उद्धव ठाकरेंनी कोरोना काळात स्वतः घराबाहेर न पडता काय केले, याचे आत्मपरीक्षण करावे," असा जोरदार टोला राज्याचे ग्रामविकास मंत्री गिरीश महाजन यांनी लगावला आहे. जळगाव येथे प्रसारमाध्यमांशी संवाद साधताना महाजन यांनी राज्यातील पावसाची तूट, दुष्काळी पंचनाम्यांवरून सुरू असलेला राजकीय वाद, शरद पवारांचे पत्र, गोपीनाथ मुंडे यांच्या मृत्यूवरील विधाने आणि राहुल गांधी यांच्या आरोपांवर सडेतोड उत्तरे दिली. गणरायाला पावसाचे साकडे; धान्य मिळेल, पण पाणी कुठून आणणार? राज्यातील दुष्काळी परिस्थितीवर चिंता व्यक्त करताना गिरीश महाजन म्हणाले, "यंदा पावसाने सुरुवातीला महिनाभर ओढ दिली आणि आता पुन्हा 35 ते 40 दिवस पावसाचा खंड पडला आहे.

Natepute Pratinidhi

सोलापूर जिल्हा 19 Sep 2026

झळ:गतवर्षी पूर; यंदा सीनाकाठच्या ऊस शेतीची होरपळ

गतवर्षी सीना नदीला आलेल्या महापुराचे पाणी 11 दिवस शेतात राहिल्याने हातातोंडाशी आलेला घास पुराने हिरावून घेतला. यंदा पर्जन्यवृष्टी कमी झाल्याने दुष्काळसदृश परिस्थिती निर्माण झाली आहे. उजनीच्या पाण्याने सिना नदी भरली असली तरी शेतीला पुरेशी वीजच मिळत नसल्याने पाण्याअभावी पिके जळू लागल्याने दर आठवड्याला एक एकर ऊस सोडून देण्याची वेळ आल्याची व्यथा सीनाकाठी असलेल्या खैराव येथील शेतकरी कृष्णात गोवर्धन नागटिळक यांनी मांडली. माढा तालुक्यातील खैराव येथील शेतकरी असलेल्या नागटिळक यांना 18 एकर जमीन असून त्यांचा उदरनिर्वाह शेतीवर अवलंबून आहे. गेल्या वर्षी सीना नदीला महापूर आल्याने अकरा दिवस पुराचे पाणी शेतात राहिले. यंदा झालेल्या नुकसानीची कसर निघेल या भाबड्या आशेने एकरी 40 हजार रुपये खर्च करून ऑक्टोबर महिन्यात 9 एकर ऊस, 4 एकर वैरण आणि दोन एकर कडवळाची लागवड केली. त्यासाठी 5 लाखांवर खर्च केला. परंतु पावसाने दडी मारल्याने पिके धोक्यात आली.

Natepute Pratinidhi

सोलापूर जिल्हा 19 Sep 2026

मंगळवेढ्यात 59 वर्षांपासून सामाज प्रबोधनाचे नवरंग

संत नगरी मंगळवेढा शहरातील पहिले गणेशोत्सव मंडळ म्हणून परिचित असणारे सामाजिक उपक्रम राबवून नावलौकिक मिळवलेले गणेशोत्सव मंडळ म्हणजे नवरंग युवक गणेशोत्सव मंडळ होय. या मंडळाची स्थापना सन 1968 मध्ये झाली. मंडळाचे एकोणसाठावे वर्ष आहे, त्यावेळेचे मंडळाचे संस्थापक अध्यक्ष कै गौरीशंकर वठारे हे होते, सदर मंडळाचे समितीमध्ये स्वर्गीय बंडा मोडक, दामोदर दत्तू, चंद्रकांत किल्लेदार, निवृत्ती डोरले, सुकदेव जावळे, रामचंद्र चेळेकर, भाऊ चेळेकर, धोंडीराम राऊत, डॉ. बी. पी. देशमुख, बाबू लेंडवे, चंद्रकांत वेदपाठक पेंटर, लक्ष्मण चेळेकर, राजेंद्र भगरे हे होते व मंडळाचे मार्गदर्शक म्हणून आण्णाराव चेळेकर होते. यातील अनेक जण हयात नाहीत मात्र त्यांचे विचार व प्रेरणा घेऊन हे मंडळ सामाजिक उपक्रम राबवत आहे. या मंडळाने स्थापनेपासून अंदाजे तीन ते चार वेळा रक्तदान शिबिर घेतले होते, यामध्ये जवळपास 500 रक्तदात्यांनी रक्तदान केले आहे.

Natepute Pratinidhi

महाराष्ट्र 18 Sep 2026

सत्तेच्या स्थैर्यासाठीच दिवे लावण्याचं फर्मान

पंतप्रधान नरेंद्र मोदी यांचा 75 वा वाढदिवस नुकताच साजरा झाला. या निमित्ताने भाजपकडून देशभरात विविध कार्यक्रमांचे आयोजन करण्यात आले होते. याच कार्यक्रमांवरून शिवसेना (उद्धव बाळासाहेब ठाकरे) पक्षाचे खासदार संजय राऊत यांनी मोदी आणि भाजपवर जोरदार निशाणा साधला आहे. "अशुभ काळाची चाहूल लागल्यामुळेच सत्तेच्या स्थैर्यासाठी आणि मोदींना ऊर्जा मिळण्यासाठी भक्तांना आशिर्वादाचे दिवे लावायला सांगितले जात आहे. पण दिवे लावा, काहीही करा... ग्रह कधीच रजेवर जात नाहीत!", असा खोचक टोला राऊत यांनी लगावला आहे. वाढदिवसाच्या कार्यक्रमांवरून राऊतांचा सवाल संजय राऊत यांनी सोशल मीडियावर एक पोस्ट शेअर करत भाजपच्या आध्यात्मिक कार्यक्रमांवर प्रश्नचिन्ह उपस्थित केले आहे.

Natepute Pratinidhi

सोलापूर जिल्हा 18 Sep 2026

पाण्यासाठी तुळशी ग्रामस्थांचा थाळीनाद

माढा गेल्या पंचवीस वर्षांपासून अनेक आंदोलने करूनही सीना-माढा उपसा जलसिंचन योजनेचे पाणी कायमस्वरूपी मिळत नसल्याने संतप्त झालेल्या तुळशी गावकऱ्यांनी "आमचे गाव विक्रीस काढले आहे, कोणीतरी विकत घ्या" अशी आर्त हाक देत उजनी पाणी संघर्ष समितीच्या वतीने माढा तहसील कार्यालयावर थाळीनाद आंदोलन केले. सन 2000 पासून सिना-माढा उपसा जलसिंचन योजना कार्यरत आहे. अनेक वर्षांपासून तुळशी गावाचा या योजनेत समावेश नव्हता. अनेक निवेदने व आंदोलनानंतर गावाचा समावेश झाला, मात्र समावेश होऊनही अद्याप पाणी आलेले नाही. यंदा पर्जन्यवृष्टी कमी झाल्याने शेती व पिण्याच्या पाण्याचे गंभीर हाल होत आहेत.

Natepute Pratinidhi

सोलापूर जिल्हा 18 Sep 2026

चला जाणुया नदीला:जलक्रांती...भीमा, सीना, माण, आदिलासह 7 नद्या खळाळणार

"चला जाणूया नदीला "या अभियानात राज्यातील 108 नद्या सोबतच सोलापूर जिल्ह्यातील भीमा, सीना, दुबधुबी, आदिला, माणगंगा, कासाळगंगा, कोरडा आदी नद्यांचा समावेश केलेला आहे. जलसंपदा मंत्री गिरीश महाजन यांच्या अध्यक्षतेखाली मुंबई येथे नुकतीच यासंदर्भात बैठक झाली. नदी पुनर्जिवित करण्याच्या मोहिमेला गती देण्याबाबत मंत्री महाजन यांनी सूतोवाच केल्याने जिल्ह्यातील जलदूत, जलमित्र यांच्यातून आनंद व्यक्त करण्यात येत आहे. नद्या पुनरुज्जीवित करून वाहत्या झाल्याशिवाय पुढच्या पिढ्यांना जगता येणार नाही, हे लक्षात घेऊन महाराष्ट्र शासन प्रयत्नशील असून नद्यांना पुनर्जीवित करण्यासाठी जलदूत, जलमित्र यांच्या माध्यमातून राज्यातील 108 नद्यांची निवड करण्यात आलेली आहे. मुख्यमंत्री देवेंद्र फडणवीस यांनी "चला जाणूया नदीला " या अभियानाचा शुभारंभ सन 2022 साली वर्धा येथे केला होता. तेव्हापासून विविध उपक्रमाद्वारे स्थानिक पातळीवर लोक सहभागातून नद्यांची ओळख करून देण्याचे काम जलदूत व जलमित्र करत होते. या बैठकीत डॉ. राजेंद्रसिंह, जलसंपदा विभागाचे प्रधान सचिव एकनाथ डवले, ग्रामविकासचे प्रधान सचिव डॉ.चंद्रकांत पुलकुंडवार, लाभ क्षेत

Natepute Pratinidhi

सोलापूर जिल्हा 18 Sep 2026

गावामध्ये झाडे लावाल तरच पाऊस येणार

गावात झाडे लावण्याचा उपक्रम हाती घ्या, झाडे लावलात तरच पाऊस येणार आहे. नाही तर दुष्काळासारख्या कठीण परस्थिती सामोरे जावे लागणार असल्याचे मत पाटोदाचे आदर्श सरपंच संकल्पनेचे प्रणेते भास्करराव पेरे-पाटील यांनी केले. अक्कलकोट तालुक्यातील करजगी येथे गणेशोत्सवानिमित्त आदर्श गाव संकल्पनेवर प्रेरणादायी आयोजित व्याख्यानात ते बोलत होते. करजगीचे सरपंच विवेकानंद उंबरजे आणि दयानंद उंबरजे यांच्या पुढाकारातून ग्रामपंचायत कार्यालय येथे घेण्यात आलेल्या या कार्यक्रमाचे उद्घाटन अक्कलकोटचे नगराध्यक्ष मिलन कल्याणशेट्टी यांच्या हस्ते झाले. आपल्या व्याख्यानात पेरे-पाटील यांनीआदर्श गावाची संकल्पना, ग्रामविकासातील ग्रामस्थांची भूमिका, स्वच्छता, पाणी व्यवस्थापन, शिक्षण, सामाजिक एकोपा आणि लोकसहभागाचे महत्त्व याबाबत मार्गदर्शन केले.

Natepute Pratinidhi

सोलापूर जिल्हा 18 Sep 2026

टेंभुर्णीत जीपखाली तरुणाला चिरडण्याचा प्रयत्न

एका तरुणाला थार गाडी अंगावरुन घालून मारण्याचा प्रयत्न झाल्याच्या कारणावरुन टेंभुर्णी(ता. माढा) येथील झिरपे वस्तीवर दोन गट आमने सामने आले आहेत. गेल्या दोन दिवसापासून या गटात दोनदा हाणामारी झाली. एक चारचाकी तसेच 3 दुचाकी फोडण्यात आल्या. या प्रकरणी 12 जणांवर गुन्हा दाखल करण्यात आला आहे. या प्रकरणात दोन्ही गटाकडून तक्रार दाखल नाही. पोलिसांकडून तक्रार दाखल करत पारस हवालदार,आप्पा आटकळे, अजय हवालदार, अमित देशमुख, अजित देशमुख, समाधान कोल्हे, निलेश देशमुख, रितेश देशमुख, किसन देशमुख, राहुल देशमुख,समाधान देशमुख, प्रतीक बंडू पाटील (रा. सर्व टेंभुर्णी ता. माढा) या बारा जणांविरोधात कलम 324(5),194 महाराष्ट्र पोलीस अधिनियम 1951 चे कलम 135 प्रमाणे गुन्हा दाखल करण्यात आला आहे. याबाबत अधिक माहिती अशी कि 15 सप्टेंबर रोजी रात्री 8 वाजण्याच्या सुमारास झिरपे वस्तीवर हवालदार आणि देशमुख गटात हाणामारी झाली होती.यामध्ये चार जण किरकोळ जखमी झाले होते.याप्रकरणी टेंभुर्णी पोलीस ठाण्यात संबंधित लोकं आले असता गावातील पुढारी व कार्यकर्ते यांनी हस्तक्षेप करून वाद मिठवला होता. परंतु 16 सप्टेंबर रोजी सायंकाळी पाच वाजण्याच

Natepute Pratinidhi

महाराष्ट्र 16 Sep 2026

गैरसोय:कृषी कार्यालय दुसऱ्या मजल्यावर

सोयगाव तालुका कृषी अधिकारी कार्यालय फर्दापूर रोड येथून 1 डिसेंबर 2025 रोजी सोयगाव शहरातील नवीन ठिकाणी स्थलांतरित करण्यात आले. मात्र, हे कार्यालय दुसऱ्या मजल्यावर असल्याने दिव्यांग, वयोवृद्ध तसेच आजारी नागरिक आणि शेतकऱ्यांना कार्यालयात पोहोचण्यासाठी मोठी कसरत करावी लागत आहे. ग्रामीण भागातील शेतकऱ्यांसाठी महत्त्वाचे असलेले कृषी कार्यालय सर्वांसाठी सुलभ असावे, अशी अपेक्षा असताना प्रवेशासाठीच अडथळे निर्माण झाल्याने नागरिकांमध्ये नाराजी व्यक्त होत आहे.

Natepute Pratinidhi

ताज्या मराठी बातम्या

करमाळ्यात महिला सुरक्षा अन् कायद्याबाबत पथनाट्यातून जागर

कणकवलीतले खून पचवण्यासाठी यांना सत्ता हवी

जुने पूल पाडणार, नवा 'अखंड' उड्डाणपूल उभारणार

दुष्काळ-पंचनाम्यांवरून गिरीश महाजनांचा उद्धव ठाकरेंवर पलटवार

नवीन बातम्या

करमाळ्यात महिला सुरक्षा अन् कायद्याबाबत पथनाट्यातून जागर

कणकवलीतले खून पचवण्यासाठी यांना सत्ता हवी

जुने पूल पाडणार, नवा 'अखंड' उड्डाणपूल उभारणार

दुष्काळ-पंचनाम्यांवरून गिरीश महाजनांचा उद्धव ठाकरेंवर पलटवार

झळ:गतवर्षी पूर; यंदा सीनाकाठच्या ऊस शेतीची होरपळ

मंगळवेढ्यात 59 वर्षांपासून सामाज प्रबोधनाचे नवरंग

सत्तेच्या स्थैर्यासाठीच दिवे लावण्याचं फर्मान

पाण्यासाठी तुळशी ग्रामस्थांचा थाळीनाद

चला जाणुया नदीला:जलक्रांती...भीमा, सीना, माण, आदिलासह 7 नद्या खळाळणार

गावामध्ये झाडे लावाल तरच पाऊस येणार

टेंभुर्णीत जीपखाली तरुणाला चिरडण्याचा प्रयत्न

गैरसोय:कृषी कार्यालय दुसऱ्या मजल्यावर

तुमच्याकडे परिसरातील बातमी आहे?