मराठी बातम्या

सोलापूर जिल्हा 13 Sep 2026

सोलापुरात मोबाइलसाठी दहावीतील विद्यार्थ्यांनीे चाेरले 3 लाखांचे दागिने

मोबाइल खरेदीसाठी दहावीतील दोन अल्पवयीन मुलांनी चोरी केल्याचा धक्कादायक प्रकार सलगरवस्ती पोलिस ठाण्याच्या हद्दीत समोर आला आहे. पोलिसांनी दोन्ही मुलांना ताब्यात घेऊन त्यांच्याकडून 3 लाख रुपये किमतीचे अडीच तोळे सोने जप्त केले. संतोष बिराजदार (रा. सनथ नगर) यांच्या फिर्यादीवरून गुन्हा दाखल झाला आहे. यातील एका मुलाचे बिराजदार यांच्या घरी येणे-जाणे होते. कपाटाची चावी पायपुसणीखाली असल्याचे त्याला माहीत होते. त्याने घर उघडून कपाटाचे लॉकर तोडले आणि नेकलेस, अंगठी व कर्णफुले असा 3 लाखांचा ऐवज लंपास केला. चोरीनंतर पुन्हा कुलूप लावून चावी पूर्ववत पायपुसणीखाली ठेवून दिली.

Natepute Pratinidhi

सोलापूर जिल्हा 13 Sep 2026

मयत बस वाहकाच्या वारसांना 71 लाखांची नुकसान भरपाई

सांगोल्याच्या अपघातात मृत्युमुखी पडलेल्या बस वाहक आनंदा माळी यांच्या परिवारास तब्बल 71 लाख रुपयांची नुकसान भरपाई मिळाली. सोलापूर जिल्हा न्यायालयात दाखल झालेल्या या प्रकरणाचा निकाल लागला असून, तो शनिवारच्या लोकन्यायालयातील सर्वात मोठ्या रकमेचा आणि विशेष लक्षवेधी ठरला.26 सप्टेंबर 2025 रोजी एसटी बसचालक आकाश देवगडकर व वाहक माळी हे बस (एमएच 40 वाय 5037) घेऊन चडचणवरून सांगोला येथे परत आले होते. बसडेपो प्लॅटफॉर्म क्र. 11 येथे बस लावून डेपोमधून मशीन घेऊन येत असताना, एका भरधाव स्विफ्ट कारने (एमएच 45 एएल 0382) त्यांना जोराची धडक दिली. या अपघातात ते गंभीर जखमी होऊन मरण पावले.

Natepute Pratinidhi

सोलापूर जिल्हा 11 Sep 2026

कुर्डुवाडी- माढा रोड अतिक्रमण मुक्त‎पालिकेची कारवाई

कुर्डुवाडी शहरातील माढा रोडने अखेर मोकळा श्वास घेतला असून मुख्य रस्त्यावरील वाहतूक व्यवस्था पूर्णपणे सुरळीत झाली आहे. दरवर्षीप्रमाणे यंदा केवळ औपचारिक कारवाई न करता, नगरपालिकेने अतिक्रमण कायमस्वरूपी रोखण्यासाठी कडक पावले उचलली आहेत. जिल्हाधिकाऱ्यांच्या आदेशानंतर हटवण्यात आलेल्या अतिक्रमणाच्या ठिकाणी पुन्हा विक्रेत्यांनी ठाण मांडू नये, यासाठी नगरपालिकेचे आरोग्य कर्मचारी दैनंदिन काम उरकून या परिसरावर सातत्याने देखरेख ठेवत आहेत. विशेष म्हणजे, अमृत भारत योजनेतून नव्याने उभारण्यात आलेली रेल्वे जंक्शनची सुंदर व देखणी इमारत या अतिक्रमणामुळे पार झाकली गेली होती. मात्र, हा परिसर पूर्णपणे अतिक्रमणमुक्त झाल्यामुळे ही भव्य इमारत आता पुन्हा एकदा सर्वांचे लक्ष वेधून घेत आहे. गेल्या महिन्यात जिल्हाधिकाऱ्यांच्या आदेशानुसार प्रशासनाने माढा रोडवरील सर्व अतिक्रमणे हटवली होती. सामान्यतः अशी कारवाई झाल्यानंतर अवघ्या काही दिवसांतच रस्ते पुन्हा अतिक्रमणाने व्यापले जातात.

Natepute Pratinidhi

सोलापूर जिल्हा 11 Sep 2026

भीमा नदीवरील घोडेश्वर- माचणूर पुलावर सुरक्षेचा बोजवारा:नागरिक आक्रमक, बॅरिकेड्स वाहून गेल्याने सुरक्षेचा बोजवारा

मोहोळ- मंगळवेढा तालुक्याला जोडणाऱ्या राष्ट्रीय महामार्ग क्र. 166 (नागपूर-कोल्हापूर) अंतर्गत घोडेश्वर-माचणूर येथील भीमा नदीवरील जुन्या पुलाची अवस्था अत्यंत धोकादायक बनली आहे. मागील वर्षी आलेल्या भयानक पुरात या पुलावरील बॅरिकेटिंगचे अँगल वाहून गेले आहेत. त्यामुळे पायी चालणारे नागरिक, दुचाकी तसेच चारचाकी वाहनधारकांच्या जीवितास मोठा धोका निर्माण झाला आहे. सुरक्षेची कोणतीही यंत्रणा नसल्याने गेल्या महिनाभरात याच पुलावरून तीन जणांनी उड्या घेऊन आत्महत्या केल्याच्या दुर्दैवी घटना घडल्या आहेत. नागपूर-कोल्हापूर या राष्ट्रीय महामार्गावर नवीन पूल बांधल्याने महामार्गाची वाहतूक तिथून वळवण्यात आली आहे. मात्र, जुन्या पुलावरून स्थानिक नागरिक, दुचाकीस्वार आणि शाळकरी विद्यार्थ्यांची मोठी वर्दळ असते. बॅरिकेट्स तुटल्यामुळे येथे दररोज लहान-मोठे अपघात घडत असून, नागरिकांना अक्षरशः जीव मुठीत धरून ये-जा करावी लागत आहे. पुलाची मालकी कोणत्याही विभागाची असली तरी नागरिकांच्या सुरक्षेची जबाबदारी शासनाचीच आहे.

Natepute Pratinidhi

सोलापूर जिल्हा 11 Sep 2026

पंढरपुरात यंदा बैलपोळा साधेपणाने साजरा

अपुरा पाऊस, दुष्काळाचे सावट आणि साखर कारखान्यांनी ऊसाचा हप्ता न दिल्याचा थेट परिणाम यंदाच्या बैलपोळा सणावर दिसून आला आहे. गुरुवारी पंढरपूर तालुक्यात बैलपोळा सण अतिशय साधेपणाने साजरा करण्यात आला. दरम्यान, गोकुळ अष्टमी व बैलपोळा उत्सवानिमित्त श्री विठ्ठल-रुक्मिणी मंदिरात श्री विठ्ठलास आकर्षक व पारंपरिक सुवर्ण अलंकारांनी अलंकृत करण्यात आले. श्रावण अमावस्येच्या दिवशी शेतकरी बैलपोळा सण मोठ्या उत्साहाने साजरा करत असतो, तसेच बैल, गाई व म्हशींना सजवून मिरवणूक काढत असतो. परंतु, यंदा तालुक्यात अत्यल्प पाऊस झालेला असून दुष्काळी परिस्थिती निर्माण झाली आहे. तालुक्यातील एकाही साखर कारखान्याने बैलपोळ्याचा हप्ता दिलेला नसल्याने शेतकऱ्यांना तीव्र आर्थिक अडचणीला सामोरे जावे लागले. याचा परिणाम म्हणून नेहमी डीजे, हलगी, ढोल-ताशांच्या गजरात निघणाऱ्या मिरवणुका यंदा रद्द झाल्या. बैलांना धुवून, साध्या स्वरूपात सजवून नैवेद्य दाखवत पुरणपोळी खाऊ घालून दावणीलाच बांधून ठेवण्यात आले. तालुक्यात एकाही गावातून मिरवणूक निघाल्याची माहिती मिळालेली नाही.

Natepute Pratinidhi

सोलापूर जिल्हा 11 Sep 2026

नीलेश सरवदेंची 1000 कि.मी.ची सायकलिंग मोहीम

व्यवसायातील व्यस्तता सांभाळत प्रबळ इच्छाशक्ती, कठोर सराव आणि अफाट सहनशक्तीच्या बळावर येथील कपडे व्यापारी नीलेश सरवदे यांनी तब्बल एक हजार किलोमीटरची ‘बीआरएम 1000 किमी’ सायकलिंग मोहीम अवघ्या 73 तास 55 मिनिटांत पूर्ण केली. या मोहिमेसाठी 75 तासांची निर्धारित वेळ असताना त्यांनी तीन तास आधीच अंतिम टप्पा गाठत बार्शीच्या क्रीडा क्षेत्रात उल्लेखनीय कामगिरीची नोंद केली आहे. फ्रान्सच्या ऑडॅक्स क्लबच्या मान्यतेने आणि पहिल्यांदाच बार्शी सायकलिंग क्लबच्या वतीने आयोजित या मोहिमेची सुरुवात बार्शीतील छत्रपती शिवाजी महाराज यांच्या पुतळ्यापासून झाली. बार्शी, सोलापूर, तुळजापूर, बीड, अंबड आणि परतीच्या प्रवासात सोलापूर, टेंभुर्णी, थेऊर फाटा, टेंभुर्णी, बार्शी असा अत्यंत खडतर मार्ग सायकलपटूंना पार करावा लागला. या मार्गावर पाच हजार मीटरपेक्षा अधिक चढाई होती. त्यातच प्रचंड ऊन, अवघड चढ, बदलते हवामान, शारीरिक थकवा आणि झोपेचा अभाव अशा अनेक अडथळ्यांचा सामना करावा लागला. तरीही नीलेश सरवदे यांनी जिद्द कायम ठेवत सलग 73 तास 55 मिनिटे सायकल चालवून एक हजार किलोमीटरचे अंतर यशस्वीपणे पूर्ण केले.

Natepute Pratinidhi

महाराष्ट्र 11 Sep 2026

बार्शीच्या गौरी मुखवट्यांची लंडन, अमेरिकेसह जपानला भूरळ

बार्शीच्या मातीत साकारलेल्या अप्रतिम कलेची मोहिनी आता थेट सातासमुद्रापार पोहोचली आहे. येथील ज्येष्ठ मूर्तिकार राजाभाऊ उर्फ अनंत माणिकराव उपरे यांच्या हातांतून साकारलेले रेखीव, मोहक आणि भावपूर्ण महालक्ष्मीचे मुखवटे आता महाराष्ट्रापुरते मर्यादित न राहता जागतिक पटलावर पोहोचले आहेत. लंडन आणि अमेरिकेनंतर यंदा या मुखवट्यांची कीर्ती थेट जपानपर्यंत पोहोचली असून, यंदाचे महालक्ष्मीचे मुखवटे जपानमधील भाविकांसाठी रवाना झाले आहेत. गणेशोत्सवाच्या पार्श्वभूमीवर बार्शीतील कलावंतांनी जपलेली ही गौरी-गणपती परंपरेची आंतरराष्ट्रीय ओळख आता अधिकच अधोरेखित झाली आहे. विविध आकार, आकर्षक भावमुद्रा आणि मुद्रांमधील बारकाई टिपत केलेली कलाकुसर ही उपरे यांच्या मुखवट्यांची खासियत आहे. दोन फुटांपासून साडेचार फुटांपर्यंत विविध आकारांमध्ये महालक्ष्मीचे मुखवटे उपलब्ध आहेत. त्यासोबत कापडी हात, कापसाची हाफ बॉडी, फायबर बॉडी आणि पूजेसाठी आवश्यक सजावटीचे साहित्य यांचीही मोठी विविधता येथे पाहायला मिळते.

Natepute Pratinidhi

राष्ट्रीय 10 Sep 2026

बिहारमधील 14 जिल्ह्यांमध्ये पूर, 40 लाख लोक प्रभावित

बिहारमध्ये सलग पाच दिवसांपासून सुरू असलेल्या पावसामुळे 14 जिल्ह्यांमध्ये पूरस्थिती निर्माण झाली आहे. 40 लाखांहून अधिक लोक प्रभावित झाले आहेत. यामध्ये सर्वाधिक लोक पाटणा, भोजपूर, सारण, वैशाली, भागलपूर आणि बेगुसराय येथील आहेत. हवामान विभागाच्या मते, सप्टेंबरमध्ये आतापर्यंत बिहारमध्ये 83.6 मिमी पाऊस झाला आहे. हा सामान्यपेक्षा 24% जास्त आहे. भागलपूरच्या सुलतानगंजमध्ये गंगेचे पाणी 36.78 मीटरपर्यंत पोहोचले आहे. हे 2021 मध्ये नोंदवलेल्या 36.75 मीटरच्या सर्वोच्च पातळीपेक्षाही जास्त आहे. येथे तिलकामांझी विद्यापीठात गंगेचे पाणी शिरले आहे. शिक्षक आणि विद्यार्थी ये-जा करण्यासाठी बोटीचा वापर करत आहेत. दुसरीकडे, उत्तर प्रदेशातील 26 जिल्ह्यांना पुराचा फटका बसला असून सुमारे 4 लाख लोक प्रभावित झाले आहेत. सततच्या पावसामुळे नद्या दुथडी भरून वाहत आहेत. बरेलीमध्ये एक प्राचीन मंदिर रामगंगेत बुडाले, तर बाराबंकीमध्ये शरयू नदीच्या पाण्यात सुमारे 12 घरे बुडाली. फर्रुखाबादमध्ये 10 दिवसांत 15 घरे गंगेत वाहून गेली आहेत. तर, मध्य प्रदेश आणि राजस्थानमध्ये सध्या पावसाचा जोर थांबला आहे.

Natepute Pratinidhi

राष्ट्रीय 10 Sep 2026

भारतीय हॉकी संघ पुन्हा निळी जर्सी परिधान करेल

आजच्या प्रमुख चालू घडामोडी, ज्या सरकारी नोकऱ्यांची तयारी करणाऱ्या विद्यार्थ्यांसाठी महत्त्वाच्या आहेत- राष्ट्रीय (NATIONAL) 1. राष्ट्राध्यक्ष पुतिन BRICS परिषदेत सहभागी होण्यासाठी भारतात येणार आहेत क्रीडा (SPORTS) 2. बीसीसीआयने कॅम्पा, एसबीआय लाइफ आणि चॅटजीपीटीसोबत करार केला 3. भारतीय हॉकी संघ पुन्हा एकदा निळी जर्सी परिधान करेल. 4. केंद्रीय मंत्रिमंडळाने सात रेल्वे नेटवर्कला मंजुरी दिली निधन (DEATH) 5. चीनचे पहिले चीफ एक्झिक्युटिव्ह तुंग ची-ह्वा इतर 6. इंडियन पोस्ट ऑफिसमध्ये ‘डिजिपिन’ सुरू केले

Natepute Pratinidhi

राष्ट्रीय 10 Sep 2026

गांधीनगरमध्ये बांधकाम सुरू असलेल्या इमारतीवर मोठी क्रेन कोसळली

गांधीनगरजवळच्या कुडासन परिसरात बुधवारी एका बांधकाम सुरू असलेल्या इमारतीवर अचानक एक मोठी क्रेन कोसळली. क्रेन कोसळल्याने खाली काम करणारे अनेक मजूर ढिगारा आणि क्रेनच्या जड भागांखाली दबले गेले होते. या अपघातात 11 मजूर जखमी झाले. त्यांना रुग्णालयात पाठवण्यात आले. ढिगारा हटवण्यासाठी आणखी एक क्रेन बोलावण्यात आली आहे. अपघाताची माहिती मिळताच पोलिस आणि अग्निशमन दलाच्या चारहून अधिक गाड्या घटनास्थळी पोहोचल्या.

Natepute Pratinidhi

राष्ट्रीय 10 Sep 2026

स्टॅलिन म्हणाले- CM विजय रीलमधून जनतेची दिशाभूल करत आहेत

DMK अध्यक्ष एम. के. स्टॅलिन म्हणाले की, मुख्यमंत्री विजय यांनी विधानसभेलाच रील बनवण्याचे ठिकाण बनवले आहे. आम्ही बांधलेल्या पुलावर उभे राहून फोटोशूट करतात आणि प्रशासनही असे चालवत आहेत जणू काही चित्रपटाचे शूटिंगच सुरू आहे. आपली अयशस्वी प्रशासन व्यवस्था लपवण्यासाठी तुम्ही अशा वेगवेगळ्या रील्स पोस्ट करत आहात आणि संपूर्ण एका पिढीला दिशाभूल करत आहात. खरेतर, विजय यांनी 7 सप्टेंबर रोजी सभागृहात आणीबाणी आणि MISA अंतर्गत झालेल्या अटकेचा उल्लेख केला होता. यावेळी त्यांनी आपला हात जबड्यापाशी नेला. DMK ने याला स्टॅलिनच्या जबड्याच्या दुखापतीशी जोडून पाहिले.

Natepute Pratinidhi

राष्ट्रीय 10 Sep 2026

नंदनकाननला पोहोचले ओडिशाच्या जंगलातून सापडलेले 5 लहान ओरंगुटान

ओडिशाच्या बालासोर जिल्ह्यातील जंगलात मंगळवारी सकाळी सापडलेल्या 5 लहान ओरंगुटानचे रहस्य अधिक गडद झाले आहे. खरं तर, ते भारतात आढळत नाहीत, त्यामुळे त्यांची तस्करी करून येथे आणले असण्याची दाट शक्यता आहे. वन अधिकारी प्रतीक प्रकाश इंदलकर यांच्या मते, पाचही ओरंगुटानला सध्या भुवनेश्वर येथील नंदनकानन प्राणीसंग्रहालयात ठेवण्यात आले आहे. 3 नर आणि 2 मादी पिल्ले आहेत. सर्वांचे वय 6 महिने ते 1 वर्षादरम्यान आहे. चार पिल्ले निरोगी आहेत. पाचव्यावर लक्ष ठेवले जात आहे, खरं तर, जंगलात सापडलेल्या पाचव्या ओरंगुटानमध्ये निर्जलीकरणाची (डिहायड्रेशन) लक्षणे दिसली होती. प्रादेशिक मुख्य वन संरक्षक प्रकाश चंद गोगिनेनी यांनी सांगितले की, पिल्लांना पकडण्यासाठी तस्कर जंगलात त्यांच्या आईला निर्दयीपणे मारतात. मादी ओरंगुटान आपल्या पिल्लाला 7-8 वर्षांच्या वयापर्यंत सोडत नाही. अशा परिस्थितीत, आईविना या पाचही पिल्लांना जिवंत ठेवणे हे मोठे आव्हान असेल. दावा- तस्कर काळ्या एसयूव्हीमध्ये होते

Natepute Pratinidhi

ताज्या मराठी बातम्या

सोलापुरात मोबाइलसाठी दहावीतील विद्यार्थ्यांनीे चाेरले 3 लाखांचे दागिने

मयत बस वाहकाच्या वारसांना 71 लाखांची नुकसान भरपाई

कुर्डुवाडी- माढा रोड अतिक्रमण मुक्त‎पालिकेची कारवाई

नवीन बातम्या

सोलापुरात मोबाइलसाठी दहावीतील विद्यार्थ्यांनीे चाेरले 3 लाखांचे दागिने

मयत बस वाहकाच्या वारसांना 71 लाखांची नुकसान भरपाई

कुर्डुवाडी- माढा रोड अतिक्रमण मुक्त‎पालिकेची कारवाई

पंढरपुरात यंदा बैलपोळा साधेपणाने साजरा

नीलेश सरवदेंची 1000 कि.मी.ची सायकलिंग मोहीम

बार्शीच्या गौरी मुखवट्यांची लंडन, अमेरिकेसह जपानला भूरळ

बिहारमधील 14 जिल्ह्यांमध्ये पूर, 40 लाख लोक प्रभावित

भारतीय हॉकी संघ पुन्हा निळी जर्सी परिधान करेल

गांधीनगरमध्ये बांधकाम सुरू असलेल्या इमारतीवर मोठी क्रेन कोसळली

स्टॅलिन म्हणाले- CM विजय रीलमधून जनतेची दिशाभूल करत आहेत

नंदनकाननला पोहोचले ओडिशाच्या जंगलातून सापडलेले 5 लहान ओरंगुटान

तुमच्याकडे परिसरातील बातमी आहे?