जिव्हाळा, लावलेल्या लळ्यापोटी मेंढरांचा वाढदिवस
सांगोला आपली उपजीविका ज्यांच्यावर अवलंबून आहे, अशा मेंढरांप्रती असलेला जिव्हाळा व्यक्त करण्याच्या हेतूने सांगोला शहरातील गावडे वस्ती येथे मेंढरांचा वाढदिवस साजरा करण्यात आला. घरापुढे मंडप उभारला. घरातील एखाद्या सदस्याप्रमाणे वाढदिवसाचा बॅनरही लावला. विशेष म्हणजे या बॅनरवर आमदार डॉ. बाबासाहेब देशमुख यांचा फोटो प्रसिद्ध केला. अन् एवढ्या व्यापातून आमदार डॉ. देशमुख यांनी हजेरी लावून मेंढरांच्या वाढदिवसानिमित्त केकही कापला. घरातील सदस्याच्या वाढदिवसाप्रमाणे हा सोहळा रंगला होता. श्रावण महिन्यातील पहिल्या सोमवारी मेंढरांचा वाढदिवस साजरा करण्याची मागील सहा वर्षांपासून परंपरा आहे. येथील सिद्धेश्वर गावडे यांच्या पुढाकारातून त्यांच्या घराजवळ हा वाढदिवस उत्साहात साजरा केला. या वेळी गावडे कुटुंबीयांसह परिसरातील नागरिक मोठ्या संख्येने उपस्थित होते. गावडे कुटुंबीयांकडे सध्या सुमारे 90 मेंढरं असून, त्यांच्याप्रती असलेले प्रेम आणि जिव्हाळा व्यक्त करण्यासाठी दरवर्षी वाढदिवस साजरा केला जातो. यंदाही मेंढरांसाठी खास तीन मजली केक तयार करून आणला होता. आमदार देशमुख, नातेवाईक, मित्रमंडळी असे 300 हून अधिक नागरि
